+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Елорда іргесіндегі ауылда иесіз вагоннан мемлекетаралық іздеудегі қылмыскер табылды

2020 жылғы 5 желтоқсан 13:52
Бөлісіңіз:
Елорда іргесіндегі ауылда иесіз вагоннан мемлекетаралық іздеудегі қылмыскер табылды

НҰР-СҰЛТАН. ҚазАқпарат – Нұр-Сұлтан қаласының іргесіндегі Ильинка кентінде иесіз қалған вагоннан мемлекетаралық іздеудегі қылмыскер табылды, деп хабарлайды ҚазАқпарат.

«Учаскелік полиция инспекторлары Ильинка кентінде Доспамбет жырау көшесіндегі әкімшілік учаскені аралау кезінде иесіз қалған вагонда ер адамды анықтаған. Тексеру барысында ұсталған 1977 жылы туған адам қараша айынан бастап шартты түрде сотталған ретінде пробациялық бақылаудан жалтарғаны үшін мемлекетаралық іздеуде жүргені анықталды. Биылғы 27 қарашадан бастап, сот осы азаматты мемлекетаралық іздеуге жариялаған болатын», - деді Нұр-Сұлтан қаласының Полиция департаментінен.

Мәлім етілгендей, іздеу салуға Қостанай қаласының Солтүстік полиция бөлімі бастамашылық еткен.

«Ұсталған ер адам қамауға алынды және ПД Уақытша ұстау изоляторына орналастырылды», - делінген ақпаратта.

Айта кетейік, 7 қыркүйектен бастап, Нұр-Сұлтан қаласының аумағында «Учаске» жедел-алдын алу шарасы өткізілді. Оның барысында учаскелік полиция инспекторлары көпқабатты үйлердегі 280 мыңға жуық пәтерді, 85 мыңнан астам жеке және саяжай үйлерін аралады.


Біздің каналымызға жазылыңыз:

Бөлісіңіз:

Автор:

Мира Төлендіқызы

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT