+7 (701) 759 90 19
USD 425.77 EUR 494.28
RUB 5.95 CNY 66.14
Jańalyqtar

Елорда барында бір уақытта 250-ге жуық адам көңіл көтерді

2021 жылғы 5 маусым 22:48
Бөлісіңіз:
Елорда барында бір уақытта 250-ге жуық адам көңіл көтерді

НҰР-СҰЛТАН. ҚазАқпарат - Елорданың мониторинг топтары бірнеше ай бойы күшейтілген режимде жұмыс істеп келеді. Олар күн сайын қаланың кәсіпкерлік нысандары арасында карантин бұзушыларды анықтауда. Мекемелерде саннормалар, бетперде режимі, әлеуметтік қашықтық жиі бұзылады, деп хабарлайды қала әкімдігінің ресми сайты.

Ұқсас жаңалықтар
Карантин: Алматыда залалсыздандыру жұмыстары күнделікті жүргізілуде Жоғары оқу орындарында карантин талаптары қалай сақталған Алматыда бір айдың ішінде карантин талаптарын бұзған 4 002 нысан анықталған

Өткен тәулікте, яғни 4 маусымда мониторингтік топтар 5 мекемені әкімшілік жауапкершілікке тартты.

Алматы ауданында 4 мекеме карантин режимін бұзғаны анықталды. Олар: екі лото клубы, «Алания» түнгі клубы және «One Bar» бар.

Сарыарқа ауданында «Анор» асханасы 22:00-ден кейін де жұмыс істеуін тоқтатқан жоқ.

Ал Байқоңыр ауданында орналасқан «Порта Фортуна» мейрамханасында 50 адамға арналған үйлену тойы өтті.

Сондай-ақ, «Драфт», «Мята» барлары карантинді бұзғаны үшін жауапкершілікке тартылды.

Есіл ауданында «Cabera» гриль-барында мониторингтік топ бір уақытта 250 адамның болғанын анықтады.

Жиналған материалдар тиісті шаралар қабылдау үшін аудандық санитарлық-эпидемиологиялық бақылау басқармасына тапсырылды.

Естеріңізге сала кетейік, ел астанасы «қызыл» аймаққа енгеніне үшінші ай болды. Қаладағы эпидемиологиялық жағдай әлі де тұрақсыз.

Елорда тұрғындары мен қонақтары, сондай-ақ кәсіпкерлік нысандары коронавирустық инфекцияның одан әрі таралуын болдырмас үшін санитарлық нормалар мен карантин талаптарын қатаң сақтауы керек.

Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT