Елорда әкімі тұрғын үй алаптарының жағдайымен танысты

НҰР-СҰЛТАН. ҚазАқпарат - Астана әкімі Алтай Көлгінов төрт тұрғын үй массивінің тұрғындарымен кездесті, деп хабарлайды ҚазАқпарат әкімдік сайтына жасап.

Тұрғындар орталық жылудың, судың, кәріз жүйесінің және балаларға арналған білім беру орталықтарының жоқтығын айтты.

«Кирпичный» тұрғын үй алабының тұрғындары ауыз судың жоқ екенін айтады. Су колонкасында үлкен кезек пайда болады. Қамысты ауданының Квартальная көшесінде орналасқан 6-үй 12 жыл бұрын апатты деп танылды, алайда ондағы 5 отбасы әлі көшірілген жоқ.

Аумақта силикат кірпіш өндіретін зауыттың жұмысына байланысты жағымсыз иіс жиі пайда болады. Нөсерлік кәріздердің орталық желілерін барлық 15 көше бойынша жүргізу қажет.

«Промышленный» (Силикат) тұрғын үй массивінің тұрғындары ескі үйлерді бұзу бағдарламасы бойынша өз кезегін күтуде. Серікпаев көшесінде орналасқан 14-үй былтыр апатты деп танылған. Үйдің қабырғасы, төбесі және едені құлаған. Қауіпті жағдайда 15 отбасы тұрады (3 отбасы басқа ауданнан пәтер алып жатыр). Жоспар бойынша, осы жылдың күзінде олардың жаңа ТК-ға көшіреді.

«Мичурин» тұрғын үй алабында 2 400-ден астам адам тұрады.

«Барлығымыз жергілікті тұрғындармыз, осы жерде туып өстік. Біздің ауданда балаларға арналған мәдени-демалыс орталықтарын ашуды сұраймыз. Жаз бойы олар көшеде, ал күзде, қыста суық болады, оларға үйірмелер қажет. Жарықтандырумен айналысу қажет, «жылдамдық бәсеңдеткіштерін« төсеу керек», - деді «Мичурин»тұрғын үй алабының тұрғындары. «Күйгенжар»тұрғын үй алабының тұрғындары да осындай мәселелер бойынша шағымданды.

Қала әкімі тұрғын үй массивтерінің мәселелері 3 негізгі блоктарға бөлінгенін атап өтті: жол және инженерлік инфрақұрылым, әлеуметтік нысандардың тапшылығы және абаттандыру мәселелері.

«Біз тұрғын үй массивтерінің тұрғындарымен кездесіп, аумақты зерттейміз. Барлық проблемалық мәселелерді бір күнде шешу мүмкін емес. Алдымен үйге ауыз су жүргізу, аялдамалар орнату, жолға қосымша автобустар бөлу сияқты бірінші кезектегі мәселелерді шешеміз. Қоғамдық кеңесте тұрғын үй массивтерінің мәселелерін қарастырамыз,үш жылдық бюджет жобасына түзетулер енгіземіз. Жоспарға сәйкес жұмыс жасайтын боламыз», - деді А. Көлгінов.

Елорда әкімі 280 мыңнан астам адам тұратын 16 тұрғын үй алабында болды.