+7 (701) 759 90 19
USD 389.59 EUR 429.06
RUB 6.05 CNY 55.07
Jańalyqtar

Астана су арнасының кәрізден уланған тағы бір қызметкері ауруханада

2019 жылғы 23 мамыр 20:39
Бөлісіңіз:
Астана су арнасының кәрізден уланған тағы бір қызметкері ауруханада

НҰР-СҰЛТАН. ҚазАқпарат - «Астана Су Арнасының» уланып, ауруханаға жеткізілген қызметкерінің жағдайы белгілі болды. Еске сала кетейік, мекеме қызметкерлерінің төртеуі өндірістегі оқыс оқиғадан қаза тапқан, деп хабарлайды ҚазАқпарат.

«Науқасты жедел жәрдем №1 қалалық ауруханаға жеткізген. Жағдайы тұрақты, есін біледі. Басы ауыратынын айтады, жөтеледі. Аурухананың токсикология бөліміне жатқызылды. Диагнозы: «күкіртті сутектен улану» (метан). Ауырлық деңгейі орташа. Өндірісте оқыс оқиға болған», - дейді Нұр-Сұлтан қаласы әкімінің баспасөз хатшысы Эльвира Жүргенбаева.

Бұған дейін «Астана су арнасының» алты қызметкері метан газынан уланып, төртеуі қаза тапқанын хабарлаған едік.

«Жұмысшылардың бірінің мазасы кетіп, есінен танып цилиндрдің ішіне құлап түсті. Екіншісі оған көмектесемін деп техбаспалдақпен төмен түсіп, ол да есінен танып қалды. Артынан үшіншісі, кейін тағы біреуі түскен», - деген еді ТЖК төрағасы Владимир Беккер.

Әкімдіктің хабарына қарағанда, қаза тапқандар 1988, 1993, 1995, 1967 жылдары туған жұмысшылар.

«6 адам жұмыс істеген, соның 4-еуі қаза тапқан. Жігіттердің бірінің артынан бірі құлағанын көрген жүргізуші де оларға көмектесемін деп, өзі де қаза тапты», - дейді Э. Жүргенбаева.

Біздің каналымызға жазылыңыз:

Басты сөздер: Нұр-Сұлтан, Оқиға,
Бөлісіңіз:

Автор:

Қанат Мәметқазыұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT