+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Елорда әкімдігі коронавирус қаупіне байланысты қауіпсіздік шараларын күшейтіп жатыр

2020 жылғы 27 қаңтар 15:49
Бөлісіңіз:
Елорда әкімдігі коронавирус қаупіне байланысты қауіпсіздік шараларын күшейтіп жатыр

НҰР-СҰЛТАН. ҚазАқпарат - Бүгін елорда әкімінің орынбасары Бақтияр Макеннің төрағалығымен коронавирустың таралуын болдырмау және алдын-алу шаралары жөнінде кеңес өтті, деп хабарлайды ҚазАқпарат қала әкімдігінің сайтына сілтеме жасап.

Ұқсас жаңалықтар
Карантин шаралары коронавирустың таралуын 52-ден 12 пайызға азайтты – Елжан Біртанов Түркістан облысында 5 жасар сәби анасынан вирус жұқтырған Шымкентте коронавирустан 1 адам қайтыс болды

Іс-шараға әуежай, теміржол вокзалы, денсаулық сақтау басқармасы және басқа да қалалық қызмет орталықтарының басшылары қатысты.

Қазақстан Республикасының Президенті Қ.Тоқаевтың тапсырмасы бойынша орталық және жергілікті атқарушы органдар Қытайдан Қазақстанға коронавирустың таралуын болдырмауға бағытталған ұйымдастырушылық шараларды қабылдауда. ҚР Үкіметі тарапынан вице-премьер Б.Сапарбаевтың төрағалығымен ведомствоаралық комиссия құрылды, оған Қазақстанда коронавирустың таралуын болдырмау жөніндегі іс-шаралар жоспарын дайындау тапсырылды.

Әкімнің орынбасары әуежай мен вокзалдарда санитарлық бақылауды күшейтудің маңыздылығын атап өтіп, елордада коронавирустың таралуын болдырмау үшін шаралар қабылдауды талап етті.

Қазіргі уақытта елордаға коронавирустық инфекцияның әкеліну жағдайларын оқшаулау және жою бойынша жұмыс тобы құрылды, халықаралық рейстердің келуіне жылу бақылау қондырғысы күшейтілді, барлық адамдардың міндетті байланыссыз термометриясы жүргізілуде, әуежай, шекара және кеден қызметтері қызметкерлерімен профилактикалық жұмыстар ұйымдастырылды.

Қазір Қытайда пневмониялық инфекцияның жаңа түрі тарап жатыр. Сырқатқа шалдыққан және көз жұмғандар саны күн санап артып келеді. Алғашқы науқастар тіркелген күндері (15 қаңтар) есепке 41 адам алынған болатын.

Соңғы мәліметтер бойынша коронавирус ауруымен ауырғандар саны 2,7 мың адамнан асты, 80 адам өлімі тіркелген. Жаңа коронавирустық инфекциямен ауыратын адамдардың көпшілігі Хубэй провинциясында (1 423, 76-сы қайтыс болған). Қазақстанмен шекаралас ҚХР Шыңжаң-Ұйғыр автономиялық ауданында (ШҰАР) 5 адамның ауруды жұқтырғаны анықталды.

Қазақстан коронавирусты зертханалық жағдайда анықтауға мүмкіндік беретін праймерлерді сатып алуды бастады.

ҚР Денсаулық сақтау министрлігі елімізде инфекция тіркелмегенін ресми мәлім етті.

ҚР Сыртқы істер министрлігінің ақпаратынша, карантинге жабылған Қытайдың Ухан қаласында бүгінде Қазақстаннан 230 студент оқиды. Олардың 98-і ғана қалада қалып отыр. Қалғандары демалыстың басталуына байланысты Қазақстанға және басқа да елдерге кетіп қалған.



Біздің каналымызға жазылыңыз:

Бөлісіңіз:

Автор:

Қанат Мәметқазыұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT