Қолданушы баптаулары
Қолданушы баптаулары
+7 (701) 759 90 19 Лента
USD 383.43 EUR 429.83
RUB 5.96 CNY 55.39
Jańalyqtar

Елорда әкімдігі көпбалалы аналардың бизнес ашуына көмектесуде

2019 жылғы 7 маусым 14:56 907
Бөлісіңіз:
Елорда әкімдігі көпбалалы аналардың бизнес ашуына көмектесуде

НҰР-СҰЛТАН. ҚазАқпарат - Нұр-Сұлтан қаласының әкімдігі көпбалалы және жалғызбасты аналардың кәсіп бастауына көмек көрсетеді, деп хабарлайды ҚазАқпарат тілшісі.

Ұқсас жаңалықтар
Алтайда 18 көпбалалы отбасы баспаналы болды Семейде 45 көпбалалы отбасы баспаналы болды

Әкімдіктің және кәсіпкерлердің көмегімен үшінші топтағы мүгедек, жалғызбасты ана Гүлнұр Жалғасова балмұздақ бизнесін бастады. Оның отбасы жеті жылдан бері елордада пәтер жалдап тұрады.

«Бүгінгі күнге дейін түрлі жұмыс істеп көрдім. Мүгедектігім бар, тәулігіне сағаттап жұмыс істеуге шамам жоқ. Қолайлы жұмыс болмағасын, жеке кәсіпкерлік ашуды ойлап, әкімдіктен көмек, кеңес сұрадым. Олар әлеуметтік көмек көрсететін кәсіпкермен таныстырды. Кәсіпкер өз дүкенінің алдынан тегін орын берді. Өзім де 300 мың теңге ақша жинап, тоңазытқыш пен арба сатып алдым. Осылайша, бір айда өз бизнесімді бастап кеттім», - дейді Г. Жалғасова.

Гүлнұр табысының бір бөлігін Тұрғын үй құрылыс жинақ банкіндегі есепшотына аударады.

«Айына 35 мың теңгеден Тұрғын үй құрылыс жинақ банкіне төлеймін. Қысқа дейін өз пәтерімді алам деп үміттеніп жүрмін. Табысым да жақсарып қалды. Шамамен Астана қаласындағы орташа айлықты тауып жүрмін. Пәтерақыға, балаларыма, өзіме жетеді. Мүгедекпін деп біреудің қолына қарап отырғым келмеді. Әркім өз отбасын өзі асырауы керек деп есептеймін. Өзім сияқты мүмкіндігі шектеулі адамдарды жұмысқа алып, кәсібімді әрі қарай дамытқым келеді. Қыста сауда орындарымен сөйлесіп, жылы орын іздестіремін», - дейді ол.

Елорда әкімдігі көпбалалы аналардың бизнес ашуына көмектесуде 

Тағы бір көпбалалы, жалғызбасты ана Гүлмира Салыбаеваға әкімдік өз үйінің маңынан жеміс-жидек сататын дүңгіршек орнатып берді. Оның 10, 8, 7 жастағы және 8 айлық балалары бар.

«2012 жылы балаларымды алып, Оңтүстік Қазақстаннан Астанаға қоныс аудардым. Пәтер жалдап тұрдық. Кондуктор болып жұмыс істедім. Балалардың әкесі келді, бірақ тағы тастап кетті. Бала күтімімен үйде отырғандықтан, 6 баласы бар сіңліме көшіп бардым. Ол да жалғызбасты. Үйде отырған соң, әкімдікке барып, жеміс-жидек сататын орын алуға көмек сұрадым. Бастапқыда көмектессе, өзім дөңгелетіп әкетемін. Олар үйдің қасына дүңгіршек орнатып, жарық жалғап, ішіндегі жеміс-жидек, көкөністерге дейін толтырып берді. Мұндай көмек боларын күтпедім», - дейді Г. Салыбаева.

Елорда әкімдігі көпбалалы аналардың бизнес ашуына көмектесуде  

Енді Гүлмира сіңлісімен бірге жұмыс істеп, балаларға қарайласып, сату орындарын көбейткісі келеді.

«Елорда әкімдігі көмек сұрап келген барлық аналарға жәрдемдесуге тырысады. Оқуға, курсқа бара алмайтын, біліктілігін көтеруге уақыты жетпейтін, қаражат табатын мүмкіндігі жоқ көпбалалы аналар бар. Олар бізге кішігірім бизнес-жоспарларын әкеледі. Немен айналысқысы келетінін, қай аудан, қай көшенің ыңғайлы болатынын айтады. Бизнестің әлеуметтік жауапкершілігі аясында, кәсіпкерлермен бірлесіп, мүмкіндігінше көмектесуге тырысамыз», - деді Нұр-Сұлтан қаласы әкімінің баспасөз хатшысы Эльвира Жүргенбаева.

Оның айтуынша, кәсіпкерлік көмекте баласы көп, мүмкіндігі шектеулі немесе асыраушысы жоқ, кедейліктің шегіне жеткен отбасыларға баса мән беріледі.

Елорда әкімдігі көпбалалы аналардың бизнес ашуына көмектесуде 
Елорда әкімдігі көпбалалы аналардың бизнес ашуына көмектесуде 

Айта кетейік, елордалық «Берекелі баспана» бағдарламасы аясында «Көпбалалы отбасы» санатында тұрғын 150 арендалық пәтерге сертификат беру басталды.

Аренда құны - пәтердің әрбір шаршы метріне 70 теңгеден. Яғни, орта есеппен көпбалалы отбасылар айына 6-7 мың теңгеге пәтер жалдап тұра алады.

«Көпбалалы отбасы» санатында тұрғын үй кезегінде тұрғандар Нұр-Сұлтан қаласы әкімдігінің «Тұрғын үй қоры» коммуналдық мемлекеттік мекемесіне (Р.Қошқарбаев көшесі 39) жүгінуі тиіс (байланыс нөмірі: 79-34-50).

Бүгінде елордада 46 мың адам тұрғын үй кезегінде тұр. Оның 3 мыңнан астамы - көпбалалы отбасы.

 

 

Біздің каналымызға жазылыңыз:

Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
MURAǴAT