Елорда әкімдігі азық-түліктің қымбаттау себебін атады
«Бұл пандемияға, шикізаттың қымбаттауына және көлік шығындарына байланысты және осының бәріне пандемия әсер еткенін айтқым келеді. Әрине, бағалар өсуде, инфляция жүріп жатыр. Бұл өсім бүкіл республика аумағында байқалады», - деді Г. Ермолдина елорда әкімдігінде өткен онлайн брифингте.
Оның айтуынша, бағаның өсуіне азық-түліктің басқа өңірлерден жеткізілуі де ықпал етеді.
«Іс жүзінде барлық өнім өзге өңірлерден келетінін ескерсек, бұл қаладағы бағаларға да әсер етеді. Жыл басынан бері жеміс-көкөніс өнімдері 7%-ға, жұмыртқа 10%-ға қымбаттады. Тауық жұмыртқасына келсек, құс өлімі болғандықтан, бағаның өсуі бүкіл республика бойынша тіркелді», - дейді Г. Ермолдина.
Бұған дейін спикер азық-түлік тауарларының қымбаттауы өткен жылғы кезеңнен 6,2 пайызға төмен екенін хабарлаған еді.