+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Елорда әкімдігі 18 қабатты үйде лифт «құлау» оқиғасына қатысты түсінік берді

2019 жылғы 8 қараша 17:36
Бөлісіңіз:
Елорда әкімдігі 18 қабатты үйде лифт «құлау» оқиғасына қатысты түсінік берді

НҰР-СҰЛТАН. ҚазАқпарат - Нұр-Сұлтан қаласы әкімдігі 18 қабатты «Жайна» тұрғын үй кешенінде тұратын азаматтың лифт құлап кеткені жайлы жазған хабарламасына түсінік берді, деп хабарлайды ҚазАқпарат тілшісі

Елорда тұрғыны Іnstagram желісіне 18 қабатты үйдің лифті құлап кеткенін жариялаған болатын.

Ол «Жайна» тұрғын үй кешеніндегі лифт бос күйде құлағаны туралы хабарлады.

«Болған жағдайға қатысты кім тексеру жұмыстарын жүргізеді? Бұл үйде балалы отбасылар тұрады. Біреу зардап шексе, кім жауап берер еді? Тұрғын үйдің пәтер иелері кооперативі дау-дамайды басу үшін лифтке қызмет көрсететін компанияны ауыстырып, жөндеу жұмысын тұрғындардың қаражатына жүргізгісі келеді», - деп жазған қала тұрғыны.

Нұр-Сұлтан қаласы әкімдігінің қалалық қоршаған ортаны бақылау және сапасын басқару басқармасының мәліметінше, «Жайна» тұрғын үй кешеніндегі лифтке «Лифт мастер» компаниясы қызмет көрсетеді және осы үйдегі блоктардың біріндегі жүк лифтісінен ақау шыққан.

«Үй тұрғыны түсіріп алған OTIS маркалы лифт 25 қазан күні жөндеу жұмыстарын жасау мақсатында тоқтатылған. Лифт компаниясы оны жөндеу жұмыстарының құны 1,5 млн теңге деп бағалап, акт жасаған. Бұған көңілі толмаған тұрғын аталған жағдайға назар аударту мақсатында лифтінің құлап кеткені туралы жалған ақпарат жазған. Қазіргі уақытта қалған лифтілер қалыпты жағдайда жұмыс істеп тұр», - дейді Нұр-Сұлтан қаласы әкімдігінің қалалық қоршаған ортаны бақылау және сапасын басқару басқармасының баспасөз қызметі.

Біздің каналымызға жазылыңыз:

Басты сөздер: Нұр-Сұлтан, Оқиға, Тұрғын үй,
Бөлісіңіз:

Автор:

Зарина Қаһарман

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT