+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Еліміздің жас мәдениет қызметкерлері шағын футболдан жарысты

2021 жылғы 11 маусым 09:35
Бөлісіңіз:
Еліміздің жас мәдениет қызметкерлері шағын футболдан жарысты

ҚАРАҒАНДЫ. ҚазАқпарат – Қарағандыда жас мәдениет қайраткерлері арасында шағын футболдан ONER CUP республикалық турнирі өтті. Бірінші орынға Жезқазған құрамасы қол жеткізді, деп хабарлайды ҚазАқпарат тілшісі.

Ұқсас жаңалықтар
Ақмолалық жастар Қазақстанның 30 жылдағы жетістіктерін талқылады Нұр-Сұлтанда ұлттық мектеп спорт лигасы өтіп жатыр Министр Денис Тен атындағы академияны ашу туралы: Анасымен ақылдасып жатырмыз

ҚР Тәуелсіздігінің 30 жылдығына арналған турнир «Jas Otan» жастар қанаты және елімізге танымал шоумен Айбат Никулиннің қолдауымен өтті. Шара карантиндік шектеулерді ескере отырып, көрерменсіз ұйымдастырылды.

Жарысқа Шымкент, Қарағанды, Жезқазған, Балқаш, Теміртау, Нұр-Сұлтан, Көкшетау, Павлодар, Екібастұз, Талдықорған, Қостанай, Алматы қалаларынан барлығы 16 команда қатысты.

Турнирде Жезқазған құрамасы көш бастады. Екінші орында – талдықорғандықтар, үшінші орында – балқаштықтар.

Сонымен қатар, «Үздік қақпашы», «Үздік ойыншы», «Үздік қорғаушы», «Үздік шабуылшы», «Үздік гол» номинацияларының жеңімпаздары анықталды. Олардың барлығы арнайы кубоктармен, медальдармен және дипломдармен марапатталды.

Ұйымдастырушылардың айтуынша, келесі турнирді жеңімпаздар қаласы – Жезқазғанда өткізу жоспарланған.


Біздің каналымызға жазылыңыз:

Бөлісіңіз:

Автор:

Агата Мухамеджанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT