Еліміздің үш облысында ауа райына байланысты ескерту жарияланды
Синоптиктер 16 ақпан күні таңертең және күндіз Қостанай облысының кей жерлерінде жаяу бұрқасын болып, тұман түсетінін болжап отыр. Оңтүстік-батыс бағыттан соғатын желдің жылдамдығы 15-20 м/с дейін жетеді. Сол күні Қостанай қаласында жаяу бұрқасын болып, оңтүстік-батыстан 15-20 м/с жылдамдықпен жел соғады.
Дауыл тұру ықтималдығы - 90-95 %.
16 ақпан күні Батыс Қазақстан облысының кейбір жерлерінде бұрқасын болып, тұман түседі, көктайғақ болады. Түнде солтүстік-батыс, батыстан соғатын желдің күші 15 м/с дейін жетуі ықтимал.
Орал қаласында бұрқасын, тұман, көктайғақ болып, түнде солтүстік-батыс, батыс жақтан 18 м/с дейін жел тұрады.
Дауыл тұру ықтималдығы - 90-95 %.
16 ақпан күні Солтүстік Қазақстан облысының кейбір жерлерінде бұрқасын болуы ықтимал. Оңтүстік-батыстан соғатын желдің күші түнде кей жерлерде 15-20 м/с, күндіз басым бөлігінде15-20 м/с дейін жететіні болжанып отыр.
16 ақпан күні күндіз Петропавл қаласында бұрқасын болады. Оңтүстік-батыстан соғатын желдің күші 15-20 м/сдейін жетуі ықтимал.
Дауыл тұру ықтималдығы - 90-95 %.