+7 (701) 759 90 19
USD 427.41 EUR 519.47
RUB 5.78 CNY 66.38
Jańalyqtar

Еліміздің тағы бірқатар өңірінде жол жабылды

2021 жылғы 2 қаңтар 20:00
Бөлісіңіз:
Еліміздің тағы бірқатар өңірінде жол жабылды

НҰР-СҰЛТАН. ҚазАқпарат - Қолайсыз ауа райына байланысты Қазақстанның тағы бірнеше өңірінде жол жабылды, деп хабарлайды ҚазАқпарат.

Ұқсас жаңалықтар
Алматыда Шөкин көшесінің бір бөлігі төрт айға жабылады Қазақстанда «Bus Lane» жолағымен көліктің барлық түрінің жүруіне рұқсат етіледі Алматы облысында жантүршігерлік оқиға: Жеңіл көлік екі Камаз-дың ортасында қалған

«ҚазАвтоЖол» кәсіпорнының мәліметіне сенсек, Ақмола облысында «Екатеринбург-Алматы» автожолының 1291-1353 шақырымы жабылған.

Бұл - Жалтыркөл ауылынан бастап Қарағанды облысының шекарасына дейінгі аралық.

Сонымен бірге «Нұр-Сұлтан-Петропавл» жолының 18-231 шақырымы, яғни елордадан Щучинск қаласына дейінгі жол жабық.

Айта кетейік, біз бұған дейін Ақмолада дизельмен жүретін көліктердің және автобустардың қозғалысына шектеу қойылғанын жазған болатынбыз.

Қарағанды облысында қатты аязға байланысты 2 қаңтар кешкі 18:00 бастап «Екатеринбург-Алматы» тасжолының 1353-1425 шақырымында, атап айтқанда Ақмола облысы шекарасынан Теміртау қаласына дейін дизель қолданатын көліктің жүруіне рұқсат жоқ.

Дәл осындай шектеу «Нұр-Сұлтан-Қабанбай батыр-Нұра-Теміртау» жолының 51-104 шақырымында да енгізіліп отыр.

Одан бөлек, «Қызылорда-Павлодар» автожолының 1066-1135 шақырымы - Молодежный елдімекенінен Павлодар облысының шекарасына дейінгі аралық жабылды.

Алматы облысында да осындай жағдай. Бүгін сағат 17:00 бастап «Алматы-Өскемен» тасжолының 558-615 шақырымында, Үшарал қаласынан Шығыс Қазақстан облысының шекарасына дейін дизельмен жүретін автомашиналар мен қоғамдық көліктің қозғалысына шектеу қойылған.

Сондай-ақ Павлодар облысында 2 қаңтар кешкі 18:00 бастап барлық бағыттағы жолдарда дизель қолданатын көліктер мен автобустардың жүруіне тыйым салынды.

Еске сала кетейік, біз бұған дейін Солтүстік Қазақстан облысында және Нұр-Сұлтан қаласында қатты аязға байланысты жол жабылғанын жазған болатынбыз.

Сонымен қатар Қостанай мен Шығыс Қазақстанда да көлік қозғалысына шектеу қойылған.


Біздің каналымызға жазылыңыз:

Бөлісіңіз:

Автор:

Жанат Қапалбаева

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT