Еліміздің бірнеше өңірі бойынша су тасқыны қаупі ескертілді
17:43, 11 Наурыз 2023
АСТАНА. ҚазАқпарат – «Қазгидромет» РМК (Гидрология департаменті) 11 наурыздағы деректер бойынша ескерту жариялады. Бұл туралы ҚазАқпарат Төтенше жағдайлар министрлігінің ресми сайтына сілтеме жасап хабарлайды.
12-14 наурыз аралығында Жамбыл, Жетісу Алматы облысы және Алматы қаласы маңындағы таулы аймақтарда қатты жаңбыр болжамына байланысты беткейлік ағын қалыптасуы және өзендерде су деңгейінің жоғарылауы ықтимал.
Сондай-ақ, Шығыс Қазақстан, Атырау, Ақтөбе және Батыс Қазақстан облыстарында аралас жауын-шашын болжамына, температуралық фонның жоғарылауына байланысты қарқынды қар еруі, беткейлік ағын қалыптасуы, мұз жібуі және өзендерде су деңгейі көтерілуі мүмкін. Судың жайылуы және тасқыны болуы ықтимал.