Еліміздің бірнеше облыс мектептерінде сабақ болмайды

АСТАНА. ҚазАқпарат - Еліміздің бірнеше өңірінде қатты аязға байланысты мектептерде сабақ болмайды, деп хабарлайды ҚазАқпарат.

Шығыс Қазақстан облысының ТЖД хабарлауынша , өңірде 1-11 сынып оқушыларына және колледждің 1-2 курс студенттеріне сабақ болмайды. Атап айтқанда, Семей, Риддер қалалары мен Алтай, Жарма сияқты басқа да аудандарында ауа температурасының минус 30-дан төмендеуіне байланысты сабақтар тоқтатылды.

Сонымен қатар, Павлодар қаласында да күннің суытуына байланысты 1-4 сынып оқушылары үшін сабақ болмайды.