+7 (701) 759 90 19
USD 413.12 EUR 452.86
RUB 5.82 CNY 57.92
Jańalyqtar

Еліміздің барлық өңірінде табысы аз отбасыларға әлеуметтік топтама таратылып жатыр

2020 жылғы 13 наурыз 20:42
Бөлісіңіз:
Еліміздің барлық өңірінде табысы аз отбасыларға әлеуметтік топтама таратылып жатыр

НҰР-СҰЛТАН. ҚазАқпарат - Атаулы әлеуметтік көмек көрсетудің жаңа тетігін іске асыру шеңберінде еліміздің барлық өңірінде табысы аз отбасылардың мектеп жасына дейінгі балаларын кепілдік берілген әлеуметтік топтамамен қамту жұмысы жүріп жатыр. Бұл жөнінде Еңбек және халықты әлеуметтік қорғау министрлігіне сілтеме жасап ҚазАқпарат хабарлайды.

Бүгінгі күні көмек алушылардың жалпы саны - 103 мың отбасы. Онда 125 мың бала тәрбиеленіп жатыр. Оның ішінде 44 мың отбасындағы 69 мың балаға немесе 55 пайызына әлеуметтік топтама беріліп үлгерді.

Облыс орталықтарында әлеуметтік топтамалар ірі сауда желілері мен кәсіпорындар арқылы беріледі.

Мысалы, Нұр-Сұлтан, Алматы, Шымкент қалаларында, Жамбыл, Алматы, Солтүстік Қазақстан облыстарының орталықтарында әлеуметтік топтамаларды қалыптастыру мен беруді «MAGNUM» сауда желісі қамтамасыз етеді.

Ақмола, Ақтөбе, Атырау, Шығыс Қазақстан, Батыс Қазақстан, Қарағанды, Қостанай, Қызылорда, Маңғыстау, Павлодар және Түркістан облыстарында әлеуметтік топтамаларды «Анвар», «Алтындар», «Көктем», «Империя заботы» сауда желілері және басқа да жеткізушілер ұсынады.

Естеріңізге сала кетейік, әлеуметтік топтама беру ақпан айынан басталды. Әлеуметтік топтаманың құрамына ай сайынғы және тоқсан сайынғы негізде ұсынылатын азық-түлік жиынтықтары мен тұрмыстық химия жиынтықтары кіреді.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT