+7 (701) 759 90 19
USD 412.10 EUR 454.34
RUB 5.82 CNY 57.62
Jańalyqtar

Елімізде ұзақ жасайтын адамдарға мемлекет тарапынан құрмет жасалуы керек

2009 жылғы 9 қыркүйек 16:46
Бөлісіңіз:

АСТАНА. Қыркүйектің 9-ы. ҚазАқпарат /Қанат Мәметқазыұлы/ - Елімізде ұзақ жасайтын адамдарға мемлекет тарапынан жасалатын құрмет керек.

Бүгін Парламент Мәжілісінің жалпы отырысында депутат Берік Бекжанов осылай мәлім етті, деп хабарлайды ҚазАқпарат.

«Оңтүстік Қазақстан облысы Сарыағаш ауданында ағымдағы жылдың қараша айында 120 жасқа толатын Сейдазимова Алтынай әжеміз бар. Ұзақ жасаған кейуана қылышынан қан тамған ақ патшаның заманын, кеңестік қызыл империяны, туған елінің көк туы желбіреген тәуелсіз Қазақстанды көріп, үш дәуірдің тірі куәсіне айналған адам. Жалпы, Жапонияның бір тұрғыны 115 жасында әлемнің ұзақ жасаған тұрғыны ретінде Гиннестің рекордтар кітабына еніпті. Одан кейін Үндістанның да бір тұрғыны 125 жасқа жетуіне байланысты рекордтар кітабына ұсынылған. Ағылшынның Генри атты 113 жасында қайтыс болған тұрғынына аса құрмет көрсетілген. Ал үш ашаршылықты бастан кешірген қазақстандық кейуанадан тараған ұрпақ саны 316-ға жетіпті», деді депутат.

Осыған орай, Б. Бекжанов Еңбек және халықты әлеуметтік қорғау министрінен ұзақ жасайтын қарттарға тиісті құрмет көрсету шараларын қолға алуды сұрады. «Алтынай әже ешқандай материалдық көмекке зәру еместігін айтады. Дегенмен, бұндай жандарға мемлекет тарапынан үлкен құрмет керек», деді Б. Бекжанов.

Біздің каналымызға жазылыңыз:

Басты сөздер:
Бөлісіңіз:

Автор:

Қанат Мәметқазыұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT