+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Елімізде үміткерлерді шетелге оқуға жіберу талаптары өзгерді

2020 жылғы 1 шілде 14:41
Бөлісіңіз:
Елімізде үміткерлерді шетелге оқуға жіберу талаптары өзгерді

НҰР-СҰЛТАН. ҚазАқпарат - Халықаралық шарттар аясында шетелде оқу үшін үміткерлерді іріктеудің барынша ашықтығы мен айқындығын қамтамасыз ету мақсатында ҚР Білім және ғылым министрі А. Аймағамбетовтің тапсырмасына сәйкес «Шетелде, оның ішінде академиялық оралымдылық шеңберінде оқытуға жіберу қағидаларына» бірқатар өзгерістер мен толықтырулар енгізілді. Бұл жөнінде халықаралық бағдарламалар орталығына сілтеме жасап ҚазАқпарат хабарлайды.

Атап өтерлігі, енгізілген түзетулерге сәйкес, қағидада шетелде оқитын үміткерлерді іріктеу кезінде тең балл иеленгендер үшін келесі басымдықтар басшылыққа алынады:

1) жетім балалар мен ата-анасының қамқорлығынсыз қалған балалар;

2) бала кезінен мүгедектер және мүгедек балалар;

3) көпбалалы отбасынан шыққан балалар;

4) шетелдік жоғары оқу орындарынан шақыртуы бар, сондай-ақ шетелдік жоғары оқу орындарында оқитын үміткерлер.

Адами факторға байланысты тәуекелдерді төмендету мақсатында құжат қабылдау автоматтандырылды және «электронды үкімет» веб-порталы арқылы жүзеге асырылады.

Объективті шешім қабылдауды қамтамасыз ету үшін енді жаңа Қағидаға сәйкес іріктеу екі кезеңнен тұрады: Тәуелсіз сараптама комиссиясының мүшелерімен сұхбат және Қорытынды комиссияның шешім қабылдауы. Сұрақтар бекітілген регламент бойынша қойылады.

Сонымен қатар, конкурс жеңімпаздарымен оқуды аяқтағаннан кейін 3 (үш) жыл мерзімге Қазақстан Республикасының аумағында үздіксіз еңбек қызметін міндеттейтін оқуға шарт жасасу бойынша норма енгізілді.

Шетелде, соның ішінде академиялық оралымдылық шеңберінде оқытуға жіберу қағидаларының толық мәтінімен мына сілтемеде танысуға болады.

Еске сала кетейік, біз бұған дейін шетелде оқу конкурсына қатысуға ниет білдірген қазақстандықтар құжаттарды онлайн тапсыра алатынын жазған едік.


Біздің каналымызға жазылыңыз:

Бөлісіңіз:
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Канат Токабаев
Канат Токабаев
954-059

MURAǴAT