+7 (701) 759 90 19
USD 405.77 EUR 457.91
RUB 5.77 CNY 57.42
Jańalyqtar

Елімізде төтенше жағдай кезінде әлеуметтік көмектің көлемі артты

2020 жылғы 2 сәуір 20:54
Бөлісіңіз:
Елімізде төтенше жағдай кезінде әлеуметтік көмектің көлемі артты

НҰР-СҰЛТАН. ҚазАқпарат - Қазақстанда төтенше жағдай режимі кезеңіне мемлекеттік әлеуметтік көмектің көлемі артты. Бұл жөнінде ҚР Еңбек және халықты әлеуметтік қорғау минитсрлігіне сілтеме жасап ҚазАқпарат хабарлайды.

Ұқсас жаңалықтар
Елімізде мүгедектігі бар адамдар жұмыс істей алатын кәсіптер атласы жасалады Әлеуметтік-еңбек саласында көрсетілетін қызметтер электрондық форматқа көшіріледі Қазақстанда АӘК көрсету тетіктері жетілдіріледі

Мемлекет басшысының тапсырмасы бойынша ҚР Еңбек және халықты әлеуметтік қорғау министрлігі төтенше жағдай кезеңіне азық-түлік пен тұрмыстық жиынтығын алушылардың тізімін кеңейтті.

Әлеуметтік-еңбек саласындағы жекелеген мемлекеттік қызметтер көрсету ережелеріне және төтенше жағдай кезеңінде халықтың жекелеген санаттары үшін азық-түлік пен тұрмыстық жиынтықтарымен қамтамасыз ету қағидаларына Қазақстан Республикасы Еңбек және халықты әлеуметтік қорғау министрінің Бұйрығымен тиісті өзгерістер енгізілді.

Атап айтқанда, жоғарыда аталған тізімге барлық жастағы III топтағы мүгедектер мен жұмыссыз азаматтар қосымша енгізілді.

Енді азық-түлік пен тұрмыстық жиынтықтарды азаматтардың келесі санаттары алатын болады:

– атаулы әлеуметтік көмек алушылар қатарынан 6 жастан 18 жасқа дейінгі балалар;

– медициналық-әлеуметтік мекемелерде тұрақты тұратын мүгедектерді қоспағанда, 16 жасқа дейінгі мүгедек балалар;

– медициналық-әлеуметтік мекемелерде тұрақты тұратын мүгедектерді қоспағанда, барлық жастағы I, II, III топтағы мүгедектер;

– мүгедек баланы тәрбиелеуші;

– жұмыспен қамту мәселелері бойынша жергілікті органда тіркелген жұмыссыз азаматтар.

Бүгінгі таңда төтенше жағдай режимі енгізілген сәттен бастап шамамен 180 мың адам азық-түлік және тұрмыстық жинақтармен қамтамасыз етілген.

Осы көмек түрін алушылардың тізімін жергілікті атқарушы органдар жасайды.

Сонымен қатар, Қазақстанда ТЖ режимін енгізуге байланысты тікелей қарым-қатынасты болдырмау мақсатында атаулы әлеуметтік көмек алушыларға жәрдемақы тағайындауды автоматты түрде ұзартады. Ал бірінші рет өтініш білдірген жағдайда учаскелік комиссия байланыс құрылғылары арқылы тексеру жүргізеді. Қызмет көрсету нәтижесі туралы ақпаратты азамат пошта немесе мессенджер арқылы алады.

Сондай-ақ бұйрықта төтенше жағдай кезеңінде медициналық-әлеуметтік сараптамадан өту «Электрондық үкімет» порталы арқылы жүзеге асырылатыны көрсетілген.

Түзетулерге сәйкес, егер қайта тексеру мерзімі бір ай ішінде немесе төтенше жағдай кезеңінде түссе, онда мүгедектікті немесе еңбек ету қабілетінен айырылу дәрежесін белгілеу мерзімі төтенше жағдай режимі кезеңіне автоматты түрде ұзартылады.

Бұл ретте төтенше жағдай кезеңінде мүгедектігі бойынша жәрдемақы төлеу бұрын белгіленген топ және жалпы еңбек ету қабілетінен айрылу дәрежесі бойынша жүзеге асырылады.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT