Елімізде тоғыз айда мұнай өндірісі 6,6 пайызға артқан

АСТАНА. ҚазАқпарат - Қазақстанда мұнай өндірісі 2018 жылғы қаңтар-қыркүйек аралығында 57,629 млн тоннаны құрады, бұл 2017 жылдың осындай кезеңімен салыстырғанда 6,6 пайызға көп, деп хабарлайды ҚазАқпарат ҚР Ұлттық экономика министрлігінің Статистика комитетіне сілтеме жасап.

Есептік кезеңде газ конденсаты 9,719 млн тонна (былтырғыдан 2,1 пайыз аз), табиғи газ - 41,45 млрд текше метр (+5,9%), көмір - 84,441 млн тонна (+5,7 пайыз) болған. Сондай-ақ, темір рудалары - 37,727 млн тонна (+9,5%), жез рудалары - 76,422 млн тонна (+4,6%), құрамында алтыны бар рудалар 15,472 млн тонна (+6,8 пайыз), хром қоспасы - 3,681 млн тонна (+6,5%) көлемінде өндірілді.