+7 (701) 759 90 19
USD 399.67 EUR 452.95
RUB 5.82 CNY 56.36
Jańalyqtar

Елімізде тест жасайтын 10 зертхана ашылады

2020 жылғы 30 наурыз 21:41
Бөлісіңіз:
Елімізде тест жасайтын 10 зертхана ашылады

НҰР-СҰЛТАН. ҚазАқпарат - Сәуір айында елімізде 600 тест сынамасы болады. Бұл туралы елдегі коронавирус инфекциясы бойынша қазіргі жайлы онлайн брифингте айтылды, деп хабарлайды ҚазАқпарат тілшісі.

«Қазіргі уақытта дүние жүзі бойынша генетикалық ПЦР деген бір тест қана диагноз қоюға бекітілген. Экспресс тест пайда болғанымен, науқастың дертін растап, емдеуге жарамайды. Елімізде ПЦР тест жасайтын 19 зертхана бар. Олардың күніне 6 000 тест жасауға мүмкіндігі бар. Қаңтардан бастап 25 мың тест өткізілді. Өткен тәулік бойынша бір жарым мың тест жасап жатырмыз. Сонымен ел бойынша 6 мың тест жасауға мүмкіндігіміз бар. Нұр-Сұлтан, Алматы қалаларында жүктеме көп екенін ескеріп, елордада тест жасайтын 3 зертхана аштық. Тағы 2 зертхана осы аптада ашылады. Алматыда тағы 3 зертхана ашылады. Басқа өңірлерді қосқанда жалпы 10 зертхана ашылмақ. Осылайша сәуір айының басында 12 мың тест жасауға мүмкіндік болады» , - дейді ҚР Денсаулық сақтау министрі Елжан Біртанов.

Ол қазіргі уақытта 300 мың тест бар екенін айтты.

«Бүгін мемлекеттік комиссия қосымша тағы 300 мың тест сатып алу жөнінде шешім қабылдады. Сонда елімізде 600 мың тест болады. Эпидемияны бақылау үшін бір науқасқа 200 тест жасау мүмкіндігі болады. Бұл – Кореяның деңгейі. Отандық кәсіпкерлердің демеушілігімен эскпрес тест қолдану мүмкіндігін де береміз. Алгоритм бекітілген. Мемлекет тарапынан 380 мың тегін тест өткізіледі. Ол созылмалы ауруы бар, қарт адамдар немесе карантинде жатқан азаматтар, шетелден келіп жатқан азаматтар сияқты тәуекелі жоғары азаматтарды скринингтен өткізуге қолданылады. Бұл тесті тек мемлекеттік емес, жеке меншік зертханаларға өткізуге де рұқсат бердік. Бұл тек бекітілген стандарт бойынша жасалуы керек. Арнайы азаматтар тегін алады және ақылы деңгейде алуға да мүмкіндік беріледі», - дейді ол.


Біздің каналымызға жазылыңыз:

Бөлісіңіз:

Автор:

Зарина Қаһарман

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT