Елімізде қыркүйектегі орташа жалақы мөлшері белгілі болды

АСТАНА. ҚазАқпарат - 2018 жылдың қыркүйек айында Қазақстанда бір жалдамалы қызметкердің орташа айлық жалақысының мөлшері белгілі болды, ол 160 555 теңгені құрады, деп хабарлайды ҚазАқпарат ҚР Ұлттық экономика министрлігінің Статистика агенттігіне сілтеме жасап.

Өз кезегінде, биылғы жылдың тамызында тұрғындардың орташа бір айда жан басына шаққандағы ақшалай шығындарының көлемі  89 338 теңгені құраған. Тұрғындардың ақшалай табысы өткен жылмен салыстырғанда 8,1 пайызға, нақты мәнінде - 2 пайызға өскен.