+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Елімізде құрылыс жобаларының құны онлайн калькулятор арқылы есептелінеді

2021 жылғы 3 тамыз 14:40
Бөлісіңіз:
Елімізде құрылыс жобаларының құны онлайн калькулятор арқылы есептелінеді

НҰР-СҰЛТАН. ҚазАқпарат – Ендігі уақытта мемлекеттік тапсырыс аясында салынатын құрылыс жобаларының құны онлайн калькулятор арқылы алдын ала есептеліп, құны белгіленеді. Құрылыс саласындағы аталған жаңа қызмет туралы ҚР Индустрия және инфрақұрылымдық даму министрлігінің бірінші вице-министрі Қайырбек Өскенбаев айтып берді, деп хабарлайды ҚазАқпарат тілшісі.

«Құрылыс саласындағы жұмыстың ашықтығын цифрландыру арқылы ғана қамтамасыз ете аламыз. Осы орайда біз еліміздегі құрылыс саласын жобалаудан бастап, қолданысқа беруге дейінгі процесті толықтай автоматтандырумен айналысып жатырмыз. Мысалы, халық бізден сұрайды неге жобасы, құрылыс материалы бірдей нысандардың бағасы әр өңірде әртүрлі. Осы мәселені реттеу мақсатында, мемлекеттік сараптау аясында құрылыс саласында онлайн калькуляторды іске қостық. Ендігі уақытта тапсырыс беруші онлайн калькуляторға жаңа құрылыс нысанының барлық көрсеткіштерін енгізеді, ал калькулятор автоматты түрде жобаның құнын шығарып береді. Осылайша құрылыс жобасын әзірлеу кезінде бағаны өсіру немесе өзгерту мүмкін болмайды. Яғни жоба авторы құрылыс нысанын жоспарлау барысында артық қадамға бара алмайды», - деді Қ. Өскенбаев баспасөз мәслихатында.

Вице-министрдің сөзіне сенсек, онлайн калькулятор құрылыс объектісінің шекті құнын жылдам есептеуге мүмкіндік береді және ол мемлекеттік сараптама порталында тіркеліп, бекітілген.

Бұған дейін министр орынбасары отандық құрылыс саласындағы жаңа ақпараттық жүйе жұмысын таныстырды.

Одан бөлек, Қ. Өскенбаев салынып жатқан құрылыс нысандарының барысын бақылайтын ахуалдық орталықтың құрылғанын хабардар етті.

Біздің каналымызға жазылыңыз:

Бөлісіңіз:

Автор:

Әли Ибраев

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT