+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

Елімізде құрылыс материалдарын бірыңғай бағамен сату алаңы іске қосылады

2021 жылғы 3 тамыз 17:51
Бөлісіңіз:
Елімізде құрылыс материалдарын бірыңғай бағамен сату алаңы іске қосылады

НҰР-СҰЛТАН. ҚазАқпарат – Елімізде құрылыс материалдарын сату мен сатып алуға арналған онлайн жүйе іске қосылады. Бұл туралы ҚР Индустрия және инфрақұрылымдық даму министрлігінің бірінші вице-министрі Қайырбек Өскенбаев мәлім етті, деп хабарлайды ҚазАқпарат тілшісі.

«Маркетплейс алаңы құрылыс материалдарының құнын 15%-ға дейін төмендетуге мүмкіндік береді және нарықтың ашықтығын қамтамасыз етеді. Сондай-ақ, отандық өндірушілер мемлекеттің қолдауымен ұзақ мерзімді келісімшарттар жасасуға және құрылыс материалдарын белгіленген құны бойынша сатуға мүмкіндік алады. Сонымен қатар жаңа жүйе құрылыс салушы компаниялар үшін де тиімді», - деді Қ. Өскенбаев баспасөз мәслихатында.

Оның айтуынша, аталған жүйе арқылы құрылыс материалдарын шығарушылар өз өнімдері туралы ақпартты емін-еркін жариялай алса, тиісінше құрылыс компаниялары тауарға делдалсыз тиімді бағамен қол жеткізе алады.

«Осылайша құрылыс компаниялары үшін отандық құрылыс материалдарын сатып алу тікелей қолжетімді. Қазіргі уақытта сайт тестілеуден өтіп жатыр. Бүгінде еліміз бойынша құрылыс материалдарын шығаратын 31 өнеркәсіп тіркеліп, олар 50-ден астам коммерциялық ұсыныс білдірді. Жыл соңына дейін құрылыс материалдарын әзірлейтін компаниялар өз өнімдерін онлайн ұсынатын сөре функциясы әзір болады. Құрылыс материалдарының бағасы Құрылыс ісі және тұрғын-үй коммуналдық шаруашылығы комитеті арқылы қадағаланады. Осылайша баға тұрақтылығын қамтуды көздеп отырмыз», - дейді ол.

Бұған дейін министр орынбасары елімізде құрылыс жобаларының құны онлайн калькулятор арқылы есептелінетіні туралы айтты.


Біздің каналымызға жазылыңыз:

Бөлісіңіз:

Автор:

Әли Ибраев

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанат Қапалбаева
Жанат Қапалбаева
954-059

MURAǴAT