Елімізде коронавирусқа қарсы екпе салдырғандар қатары 9,5 млн асты

НҰР-СҰЛТАН. ҚазАқпарат – 5 шілдеде Қазақстанда коронавирус инфекциясына қарсы вакцинаның І компонентін 9 528 076, ал ІІ компонентін 9 312 498 адам салдырды, деп хабарлайды ҚазАқпарат COVID-19 таралуына жол бермеу жөніндегі ведомствоааралық комиссияға сілтеме жасап.

Соның ішінде, «Pfizer» вакцинасының I дозасын – 1 225 370, ІІ дозасын – 1 156 011 адам салдырды. І компонентімен 867 728 жасөспірім, 41 224 жүкті әйел және 144 896 бала емізетін ана егілді. Ал, ІІ компонентін 842 295 жасөспірім, 38 474 жүкті әйел және 138 413 бала емізетін ана салдырды.