Қолданушы баптаулары
Қолданушы баптаулары
+7 (701) 759 90 19 Лента
USD 378.83 EUR 430.99
RUB 6.04 CNY 55.05
Jańalyqtar

Елімізде көктемгі егіс алаңы 19 млн гектарға жетті

2019 жылғы 24 мамыр 18:00 917
Бөлісіңіз:
Елімізде көктемгі егіс алаңы 19 млн гектарға жетті

НҰР-СҰЛТАН. ҚазАқпарат - Ауыл шаруашылығы министрі Сапархан Омаров Үкімет басшысы Асқар Маминге көктемгі дала жұмыстарын жүргізу барысын баяндады, деп хабарлайды ҚазАқпарат тілшісі.

Ұқсас жаңалықтар
Ауылдық несие серіктестіктері бір ұйымға біріктіріледі - АШМ Қазақстанда ауыл шаруашылығы өнімдерінің көлемі 3,7%-ға артты

Министрдің айтуынша, қазіргі уақытта барлық облыстар көктемгі дала жұмыстарын жүргізуге кіріскен. Нақты деректер бойынша көктемгі егіс алаңының ауқымы 19 млн гектарға жетіп отыр. Оның ішінде егілген дәнді дақылдар 14,5 млн гектарды, майлы дақылдар 2,7 млн гектарды, көкөніс-бақша дақылдары мен картоп 458,3 мың гектарды, азықтық дақылдар 4,1 млн гектарды, техникалық дақылдар (қант қызылшасы, мақта, темекі) 144 мың гектарды құрайды.

«Биыл 2018 жылғы көлеммен деңгейлес 471,4 мың тонна тыңайтқыш шашу жоспарланып отыр. Жыл сайын шашылатын тыңайтқыштың көлемі ұлғайып келеді. Қазіргі уақытта 267,1 мың тонна немесе мәлімделген көлемнің 57 пайызы тиеліп жөнелтілді. Оның ішінде 160,0 мың тонна немесе 60 пайызы - отандық өндірушілердің тыңайтқыштары», - дейді министр АШМ-да Үкімет басшысының қатысуымен өткен отырыста.

Елімізде көктемгі егіс алаңы 19 млн гектарға жетті 

Сапархан Омархановтың сөзіне құлақ ассақ, тыңайтқыштардың қалған бөлігін солтүстік өңірлер көктемгі дала жұмыстарын жүргізу кезінде сатып алады.

«Сіздің 20 наурыздағы кеңес барысында берген тапсырмаңыздың орындалуын баяндайын. Министрлік ауыл шаруашылығы тауарын өндірушілердің агрохимиялық картограммаларды міндетті түрде қолдану мерзімін кейінге созу туралы ұсыныстарын қарастырды. Минералды тыңайтқыштар сатып алуды субсидиялау кезіндегі аталған талапты 2021 жылға дейін созу туралы шешім қабылданды. Тиісті акт қабылданды. Жақын арада күшіне енеді. Осылайша, ауыл шаруашылығы тауарын өндірушілердің минералды тыңайтқыштарды сатып алуын тежеп тұрған кедергі алып тасталды», - дейді ол.

 

 

 

 

 

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
MURAǴAT