Елімізде ішкі әуе рейстері толық қалпына келтірілді – ҚР ИИДМ
2022 жылғы 26 қаңтар 09:48

Елімізде ішкі әуе рейстері толық қалпына келтірілді – ҚР ИИДМ

НҰР-СҰЛТАН. ҚазАқпарат – Қазақстанда ішкі әуе рейстері толық қалпына келтірілді. Бұл туралы ҚР Индустрия және инфрақұрылымдық министрлігінен мәлім етті, деп хабарлайды ҚазАқпарат.

«Ел аумағында төтенше жағдай режімінің алынып тасталуына байланысты ішкі әуе рейстері толық қалпына келтірілді. Қазіргі уақытта 57 ішкі бағытта 605 тұрақты рейс орындалып жатыр.

Төтенше жағдай кезінде ұшпай қалған әуе рейстерінің жолаушылары билет құнын толықтай қайтарып немесе сатып алған жерлеріне барып, басқа күндерге тегін ауыстыра алады.

Елдегі эпидемиологиялық жағдайға сәйкес әуе рейстері Қазақстан Республикасының Көліктегі Бас мемлекеттік санитариялық дәрігерінің 2022 жылғы 13 қаңтардағы №3 қаулысына сәйкес орындалады», - делінген ведомство ақпаратында.


Jańalyqtar

MURAǴAT