Елімізде газ өндіру жағдайы қандай
«Көрсетілген кезеңде 31,7 млрд текше метр көлемінде газ өндірілді, бұл ағымдағы жылғы жеті айдың жоспарымен салыстырғанда 98,2%-ды құрады.
Аталған көрсеткіштің есепті айдың жоспарынан төмен болуының басты себебі мұнай өндіруде алынатын газ ілеспе газ болып саналады, яғни мұнай өндіру көлемінің төмендеуі, тиісінше, газ өндіру көлеміне әсер етті», - делінген министрлік мәліметінде.
Сонымен қатар тауарлық газды ішкі тұтыну көлемі 10,7 млрд текше метрге жетті, осы көрсеткіш биылғы жылғы қаңтар-шілде айларының жоспары 112,4% орындалды.
«Сұйытылған мұнай газын өндіру көлемі 1,8 млн тоннаны құрап, бұл есепті кезеңнің жоспарына қарағанда 106,6%-ға орындалды. Есепті кезеңде ел аумағынан газ транзиті
44,8 млрд текше метрді құрап, жеті айдың жоспарымен салыстырғанда 114,1 %-ға жетті», - деп алатып өткен хабарламада.