+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

Елімізде электронды ПИК жүйесі қалай іске қосылады

2019 жылғы 15 қазан 18:32
Бөлісіңіз:
Елімізде электронды ПИК жүйесі қалай іске қосылады

НҰР-СҰЛТАН. ҚазАқпарат – ҚР Индустрия және инфрақұрылымдық даму бірінші вице-министрі Қайырбек Өскенбаев электронды ПИК жүйесі қалай іске қосылатынын айтып берді, деп хабарлайды ҚазАқпарат тілшісі.

Ұқсас жаңалықтар

«Электронды ПИК екі бағыттан тұрады. Біріншіден, «ҚР Тұрғын үй мәселелесі бойынша заңға өзгерістер мен толықтырулар енгізу туралы» заң жобасы бойынша біз «Е-шаңырақ» ақпараттық бағдарламасын әзірледік. Ол жоба пайдалануға 100 пайыз дайын. Біз оны алдағы уақытта жүзеге асырамыз. Екіншіден, бұл ақпараттық бағдарламаның стандарттары бар. Көппәтерлі үйлерде тұратын халыққа қызмет көрсетуші сервистік компаниялардың көп екенін білесіздер. Олардың ортасына килігіп, бәсекелі ортаның заңын бұзғымыз келмейді. Алайда біз ол компанияларға бұл стандартты қызметтерді ақпараттық тұрғыда қолжетімді етіп көрсетуін талап етеміз. Яғни, адамдар «Е-шаңырақ» порталы арқылы жауапты компанияның нақты қандай қызметке қанша ақша жұмсап жатқанын білуі керек. Ол ақпарат жауапты мемлекеттік органдарға да қолжетімді болады», - деді Қайырбек Өскенбаев «ҚР Тұрғын үй мәселелесі бойынша заңға өзгерістер мен толықтырулар енгізу туралы» заң жобасы талқыланған Сенаттағы отырыстан кейін тілшілерге берген жауабында.

Вице-министрдің айтуынша, бұл жүйе жауапты инспекцияның жұмысын жеңілдетеді. Бір көппәтерлі үйде тұратын 10 адамнан шағым түссе, ортақ порталда қызыл белгі жанып, компаниядан бұл кемшіліктерді жою талап етіледі.

«Бірыңғай бақылау көмегімен тұрғындардың барлығына сапалы қызмет көрсеткіміз келеді. Осы электронды форматты стандарт түрінде іске қостық. Әрбір компания осы порталмен жұмыс жүргізуге міндетті. «ҚР Тұрғын үй мәселелесі бойынша заңға өзгерістер мен толықтырулар енгізу туралы» заңы қабылданғаннан кейін портал бірден жұмысын бастайды», - деді ол.

Еске сала кетсек, бүгін «ҚР Тұрғын үй мәселелесі бойынша заңға өзгерістер мен толықтырулар енгізу туралы» заң жобасы Парламент Сенатының екінші оқылымына жолданды.

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT