+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

Елімізде экологиялық әкімшілік айыппұл 10 есеге өседі

2019 жылғы 17 қазан 13:42
Бөлісіңіз:
Елімізде экологиялық әкімшілік айыппұл 10 есеге өседі

НҰР-СҰЛТАН. ҚазАқпарат – Қоршаған ортаға шығарылған эмиссия үшін жылына орташа есеппен Қазақстанда 60-70 млрд теңге салық жиналады. ҚР Экология, геология және табиғи ресурстар министрлігі жаңа экологиялық кодекс арқылы бұл қаражатты экологиялық мәселелерді шешуге бағыттауды көздеуде, деп хабарлайды ҚазАқпарат тілшісі.

Ұқсас жаңалықтар
Даниал Ахметов: Өскеменнің экологиялық мәселесін шешу үшін арнайы бағдарлама әзірленді Маңғыстауда заңсыз қоқыс төгу көбейіп барады Қазақстандықтардың экологиялық жағдайға қызығушылығы артты - министр

«Жаңа экологиялық кодекстің жаңашылдықтарының біріне тоқталайын: қазіргі уақытта жергілікті бюджеттерге қоршаған ортаға шығарылған эмиссия үшін орташа есеппен 60-70 млрд теңге салық жиналады. Экологиялық кодекстің жобасы осы қаражатты аймақтарды ескере отырып, экологиялық мәселелерді шешуді көздейді. Қазіргі таңда жоғарыда аталған соманың бар болғаны 10 пайызы экологиялық қажеттілікке жұмсалып келеді», - деді ОКҚ-да өткен баспасөз мәслихатында ҚР Экология, геология және табиғи ресурстар вице-министрі Ахметжан Пірімқұлов.

Вице-министр сонымен бірге, жаңа кодекс арқылы экологиялық нормалау жүйесін жетілдірмек. Яғни, кезең-кезеңмен қоршаған орта нормативтерінің сапасын жақсарту жоспарланған.

«Бүгінгі күні бәріміз Денсаулық сақтау министрлігі бекіткен шекті концентрацияны пайдаланымыз. Бұл шекті концентрация тек адам денсаулығына әсері тұрғысынан ғана есепке алынады. Демек, кәсіпорынның бүкіл қоршаған ортаға тигізетін ықпалы ескеріле бермейді. Қоршаған орта сапасының нормативтері толығымен белгілі бір кәсіпорынның халық денсаулығына да тигізетін әсерін есепке алады», - деді Ахметжан Пірімқұлов.

Оның айтуынша, экологиялық тәртіпті бұзғандар үшін әкімшілік айыппұл мөлшері өседі.

«Орташа есеппен экологиялық бұзушылық үшін салынатын әкімшілік айыппұл қазіргімен салыстырғанда 10 есе өседі», - деді ол.

Еске сала кетсек, бұған дейін Ахметжан Пірімқұлов желтоқсан айында Парламентке енгізілетін жаңа экологиялық кодекс жобасы қолданыстағы заңнамаға бірқатар өзгеріс енгізуді көздейтінін хабарлаған еді.

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT