+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Елімізде 2,2 млн адамның онлайн жұмысқа көшуіне мүмкіндік бар

2021 жылғы 17 қыркүйек 13:00
Бөлісіңіз:
Елімізде 2,2 млн адамның онлайн жұмысқа көшуіне мүмкіндік бар

НҰР-СҰЛТАН. ҚазАқпарат – Қазақстанда арнайы жұмыс орнына келіп еңбектенуді талап етпейтін салада жүрген 2,2 млн адам бар. «Еңбек ресурстарын дамыту орталығы» АҚ стратегия және жобалық басқару департаментінің директоры Александра Молчановская осындай мәлімет ұсынды, деп хабарлайды ҚазАқпарат тілшісі.

Ұқсас жаңалықтар
Еңбек вице-министрі қашықтан жұмыс істеудің тәртіптері туралы айтты Қарағанды облысында жастарды жұмысқа орналастыру мәселесі қалай шешілуде ШҚО-да жастардың 40 пайызы жұмыссыз жүр

«Қазақстанның еңбек нарығы үшін пандемия өте күрделі болды. Бірақ локдаун кезінде жұмыссыздық кең ауқымда етек алған жоқ. Өйткені мерзімсіз демалысқа кетіп, жұмыс берушілерімен байланысын үзбегендердің саны көп болды. Осының арқасында шектеулер алынған кезде жұмысына қайтып жатты. Сарапшылардың айтуынша, шағын кәсіпкерлік нысандары жабылуға мәжбүр болған. Бірақ олар білім саласына көбірек маманданып, сондағы тендерлерге қатыса бастаған. Әлі де болса адамдар пандемияның салдарына бейімделу үстінде. Трендтерге келсек, көптеген кәсіпорындар жұмыс істеу форматын өзгертіп жатыр. Цифрландыру мен жұмысшыларын қайта оқыту белең алып тұр», - деді ол «Қазақстанның еңбек нарығы: жаңа жағдайдағы даму» атты тұңғыш ұлттық баяндаманың таныстырылымында.

Маманның айтуынша, жүздеген, мыңдаған адамды жұмыспе қамтып отырған ірі компаниялардың қызметкерлерді қашықтан жұмысқа жіберуі туралы нақты бір болжам айту қиын.

«Әркім жеке шешім қабылдап жатыр. Ресми статистика бойынша, қашықтан жұмыспен қамтылғандардың саны әзірге аз ғана. Ерекше инфрақұрылымды қажет етпейтін, компьютер мен телефон арқылы істелетін жұмыстардың көбі онлайн режимге ығысуы мүмкін. Ал шаштараз сияқты адамның қолымен істелетін кәсіптерді онлайн режимге жіберу мүмкін емес. Экономистер мен заңгерлер, мемлекеттік басқару саласының мамандары мен сарапшылар қашықтан жұмысқа ауыса алады. Бүгінде олардың саны – 2,2 млн адам», - дейді Александра Молчановская.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT