+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Елімізде 1 миллионнан астам адам коронавирус бойынша тексерілді

2020 жылғы 2 наурыз 09:33
Бөлісіңіз:
Елімізде 1 миллионнан астам адам коронавирус  бойынша тексерілді

НҰР-СҰЛТАН. ҚазАқпарат – Осы жылдың 6 қаңтарынан бастап елімізде коронавирус инфекциясы бойынша 1 миллионнан астам тексерілген, деп хабарлайды ҚазАқпарат тілшісі.

«2020 жылдың 6 қаңтарынан бастап Денсаулық сақтау министрлігі мемлекеттік шекараны өткізу пункттерінде санитарлық бақылауды күшейтіп, миллионнан астам адамды тексеріп қарады. Бүгінгі күні бақылауға 30 мыңнан астам адам алынды. Инкубациялық кезеңнің аяқталуына байланысты бақылаудан азаматтардың негізгі бөлігі шығарылды. 6 474 адам әлі де бақылауда», - деді ҚР Денсаулық сақтау министрі Елжан БіртановҮкімет отырысында.

Елжан Біртановтың айтуынша, 6 қаңтардан бастап қазіргі уақытқа дейін дене қызуы көтеріліп, жедел респираторлық-вирустық инфекциямен ауырған 186 адам ауруханаға жатқызылып, олардың 166-ы жазылып шыққан. Қалған 20 адам стационарда ем алуда. Олардан коронавирус инфекциясы табылмады.

«Сырқаттардан алынған сынамалар Ресей, Қытай және отандық өндірістің тест-жүйелерімен зерттелді. Барлық тесттер Дүниежүзілік денсаулық сақтау ұйымымен валидацияланды. Осылайша, қазіргі таңда барлығы 967 адам зертханалық тексеруден өтті. Оның ішінде 544 адам Қытай Халық Республикасы мен Жапониядан келген. 423 адам коронавирус күдігімен ауруханаға жатқызылған немесе науқастармен байланыста болған», - дейді Елжан Біртанов.

Қазіргі уақытта Үкімет резервінен қаражат бөлініп, коронавирус анықталған жағдай мен вирус таралған елдерден келген адамдарды карантинге орналастыру мақсатында медициналық ұйымдардың дайындығы қамтамасыз етіліп отыр. Тест-жүйелердің, дәрілік заттар мен медициналық бұйымдардың, сондай-ақ жеке қорғану құралдарының қорлары да жасалған.

Елжан Біртановтен кейін сөз алған Қазақстанның Сыртқы істер министрі Мұхтар Тілеуберді елімізде осы уақытқа дейін коронавирус инфекциясын жұқтыру жағдайы тіркелмегенін ерекше атап өтті.


Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT