+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Электросамокаттар автожолдарда жүре ала ма – Министр жауабы

2021 жылғы 11 маусым 14:36
Бөлісіңіз:
Электросамокаттар автожолдарда жүре ала ма – Министр жауабы

НҰР-СҰЛТАН. ҚазАқпарат – Қазақстанда автомобиль жолымен электросамокаттардың жүруіне тыйым салынады. Бұл туралы ҚР Ішкі істер министрі Ерлан Тұрғымбаев мәлім етті, деп хабарлайды ҚазАқпарат.

«Қазіргі уақытта жылдамдығы сағатына 80 шақырымға жететін самокаттар бар. Бірақ қолданыстағы заңнамаға сәйкес, олар жол қозғалысына қатысушы болып саналмайды. Яғни, жол қозғалысы туралы заңда мұндай көлік құралы жоқ», - деді Е. Тұрғымбаев Орталық коммуникациялар қызметінде.

Министр электросамокаттардың автожолмен неге жүре алмайтынын түсіндірді.

«Біріншіден, бұл техникалық құрал сертификаттаудан өтпеген. Екіншіден, олар көлік құралы талаптарына сай келмейді. Яғни бұл – доңғалақтардың диаметрі, тежегіш жүйесі, габаритті шамдардың, артқы көрініс айналарының және қауіпсіздік жүйесінің болмауы. Қазіргі уақытта электросамокаттарға жолдар мен трассалар бойынша жүруге қатаң тыйым салынған және олар жол қозғалысы қатысушылары болмағандықтан, дереу тоқтатылады», - деп атап өтті Ерлан Тұрғымбаев.

Оның айтуынша, самокаттардың велосипед жолдары мен тротуарларда жүруі мәселесі қаралып жатыр.

«Бірқатар самокаттың жылдамдығы сағатына 20 шақырымнан асады. Кейбір елдерде шектеулер енгізілген. Мысалы, Ұлыбританияда жеке аумақтан басқа жерде самокат қолдануға тыйым салынады. Басқа да Еуропа елдерінде самокаттардың жылдамдығына байланысты шектеулер бар. Яғни, сағатына 20 шақырымға дейінгілері велосипед жолдарында жүре алады, ал егер жылдамдық режимі сағатына 12 шақырымнан аз болса, жаяу жүргіншілер жолында жүруге рұқсат. Біздің елімізде бұл мәселе әлі реттелмеген», - деп түсіндірді Ерлан Тұрғымбаев.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT