+7 (701) 759 90 19
USD 432.94 EUR 513.68
RUB 5.62 CNY 66.1
Jańalyqtar

Электронды үкіметтің кадр резервіне өтінім қабылдау басталды

2021 жылғы 1 наурыз 23:25
Бөлісіңіз:
Электронды үкіметтің кадр резервіне өтінім қабылдау басталды

НҰР-СҰЛТАН. ҚазАқпарат - «Азаматтарға арналған үкімет» корпорациясының «Дарындылар пулына» өтінім қабылдау басталды, деп хабарлайды ҚазАқпарат.

Корпорацияның кадр резервіне өтініш бергісі келетін үміткерлерге talent.gov4c.kz сайтында тіркеуден өту қажет. Өтінім беру кезінде жүйеде жеке деректерді толтырып, өңірді, жұмыс істейтін/жұмыс істеген ұйымның атауын, лауазымды және қызмет бағытын көрсету қажет. Сонымен қатар тіркеу барысында білімі, жұмыс өтілі, байланыс телефоны және электрондық пошта туралы мәлімет толтырылады. Сондай-ақ үміткер жеке куәлігінің, дипломының, сертификаттарының және ұсынымхаттарының (кемінде үш) көшірмелерін тіркеуі керек. Тіркеу рәсімінен кейін көрсетілген поштаға растау-хат жіберіледі, хатта көрсетілген сілтеме бойынша өткен соң, үміткер пайдаланушы келісіміне ЭЦҚ-кілтпен қол қоюы шарт.

«Онлайн өтініш беру платформасы түсінікті әрі ыңғайлы. Жобаға тіркелген тұлғалар жеке кабинетінде ақпаратты толықтырып, іріктеудің кезеңдері мен нәтижелерін көре алады. Бұл кандидаттарды іріктеу процесінің толық ашықтығын дәлелдейді. Өтінімдерді қабылдау 10 наурызға дейін жалғасады», – дейді мемлекеттік корпорацияның төрағасы Әділ Қожықов.

Үміткерлер 3 кезеңнен тұратын іріктеуден өтеді. Тестілеу кезеңдерін сәтті тапсырғандар мемлекеттік және қоғам қайраткерлерінен, HR сарапшыларынан және Мемлекеттік корпорацияның Басқарма мүшелерінен тұратын сараптама комиссиясының мүшелерімен әңгімелесуден өтеді. Қорытындысында жоғары нәтиже көрсеткен үміткерлер тиісті бос лауазымдарға тағайындау мақсатында кадр резервіне алынады.


Біздің каналымызға жазылыңыз:

Бөлісіңіз:

Автор:

Аяулым Алтынбек

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT