Валюта бағамдары:
    usd/kzt 462.04 eur/kzt 504.09

    rub/kzt 6.74 cny/kzt 68.12
Ауа райы:
Астана-10-12℃
  Jańalyqtar  >

Электронды еңбек биржасы арқылы жарты миллионға жуық адам жұмыс тапты

2022 жылғы 25 қараша, 16:33

АСТАНА. ҚазАқпарат – Қазір электронды еңбек биржасында 106,7 мыңнан астам бос жұмыс орны жарияланған, деп хабарлайды ҚазАқпарат тілшісі.

Орталық коммуникациялар қызметі алаңында ҚР Еңбек және халықты әлеуметтік қорғау вице-министрі Олжас Ордабаев электронды еңбек биржасының мүмкіндігі туралы айтты.

Оның мәлімдеуінше, аталған платформа кәсіби бағдар мен дағдыларды игеруден бастап, жұмыспен қамту, еңбек қатынастарын ресімдеу тағы сол сияқты қызметтердің супермаркетіне айналған.

«Бизнестің ұлттық жобалары мен жеке бастамалары шеңберінде құрылатын барлық жұмыс орындары электронды еңбек биржасында жарияланады. Бүгінде платформа жұмыс және жұмысшыларды іздеудің бірыңғай алаңына айналды. Қазір электронды еңбек биржасында жұмыс берушілерден 106,7 мыңнан астам бос жұмыс орны, ал жұмыс іздеушілерден 134,8 мыңнан астам түйіндеме жарияланған. Жыл басынан бері электронды еңбек биржасы арқылы 445,1 мың адам жұмыс тапты», – деді Олжас Ордабаев брифингте.

Айта кетсек, биыл ұлттық жоба аясында 230 мың адам жұмыспен қамтылған.


Автор:

Дәулет Ізтілеу

Новости по теме
Ұқсас жаңалықтар
Серіктестер жаңалықтары