Электр энергиясын өндіруге арналған шекті тарифтер деңгейінің сақталуын қамтамасыз ету қажет - Ақшолақов
2022 жылғы 18 қаңтар 11:10

Электр энергиясын өндіруге арналған шекті тарифтер деңгейінің сақталуын қамтамасыз ету қажет - Ақшолақов

НҰР-СҰЛТАН. ҚазАқпарат – Энергия өндіруші ұйымдардың электр энергиясын өндіруге арналған шекті тарифтері деңгейінің сақталуын қамтамасыз ету қажет. Бұл туралы бүгін Үкімет отырысында ҚР Энергетика министрі Болат Ақшолақов айтты, деп хабарлайды ҚазАқпарат тілшісі.

«Мемлекет басшысының коммуналдық қызметтер бағасының өсуіне мораторий енгізу жөніндегі тапсырмасын орындау мақсатында энергия өндіруші ұйымдардың электр энергиясын өндіруге арналған шекті тарифтері деңгейінің сақталуын қамтамасыз ету қажет. Өз кезегінде, станса шығындарының 50 пайыздан астамы отынды – газды, көмірді сатып алуға және оларды тасымалдау қызметтеріне, оның ішінде теміржол арқылы тасымалдау қызметтеріне жұмсалады», - деді министр.

Оның атап өтуінше, шекті тарифтердің деңгейлерін сақтау үшін отын және оларды тасымалдау бағаларының сақталуын қамтамасыз ету қажет.

«Бұл іс-шаралар келесі күзгі-қысқы кезең үшін жөндеу науқандарының тұрақты өтуін қамтамасыз етуге мүмкіндік береді», - деді Болат Ақшолақов.


Jańalyqtar

MURAǴAT