+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Елдос Сметов Будапештегі Гран-при турнирінде «алтын» алды

2019 жылғы 12 шілде 22:10
Бөлісіңіз:
Елдос Сметов Будапештегі Гран-при турнирінде «алтын» алды

НҰР-СҰЛТАН. ҚазАқпарат​ - Қазақстандық Елдос Сметов Будапеште дзюдодан өтіп жатқан Гран-при турнирінің жеңімпазы атанды, деп хабарлайды ҚазАқпарат тілшісі.

Жарыстың алғашқы күні қазақстандық дзюдошылар Елдос Сметов (-60 кг) пен Елдос Жұмақанов (-66 кг) финалға дейін қарсылас шақ келтірген жоқ.

Рио Олимпиадасының күміс жүлдегері Е.Сметов жартылай финалда Нидерланды елінің өкілі Торнике Цжакадоеаны ұтты. Ал Е.Жұмақанов испаниялық Гайтеро Мартин Альбертоны уақытынан бұрын, таза жеңді.

Қос қазақстандық спортшының финалдағы қарсыластары моңғол балуандары еді. Е.Сметов соңғы бәсекеде қарсыласын ұтып, алтын алды. Е.Жұмақанов сәл кейін татамиге шығады.

Аталмыш додаға әлемнің 82 елінен 550-ге жуық дзюдошы қатысуда. Қазақстаннан 16 спортшы барса, соның 12-сі - ерлер.

Әйелдер арасында қазақстандықтар Анна Казюлина (-52 кг) мен Севара Нишанбаева (-57 кг) жарыс жолынан ерте шығып қалды.

Еске сала кетейік, бұдан бұрын Елдос Сметов бастаған дзюдошылардың Будапешт турнирінде бақ сынайтынын жазған болатынбыз.

Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT