+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Елдегі қылмыстың 60 пайыздан астамы ұрлықпен байланысты - Ерлан Тұрғымбаев

2019 жылғы 24 мамыр 12:00
Бөлісіңіз:
Елдегі қылмыстың 60 пайыздан астамы ұрлықпен байланысты - Ерлан Тұрғымбаев

НҰР-СҰЛТАН. ҚазАқпарат - ҚР Ішкі істер министрі Ерлан Тұрғымбаев елдегі күзет қызметі мен полиция өкілдерінің бірлескен жұмысы әлі де жетілдіруді қажет ететітін атады, деп хабарлайды ҚазАқпарат тілшісі.

Министрдің айтуынша, құрамында 100 мыңға жуық адам жұмыс істейтін елдегі жеке күзет ұйымдарының қоғамдық тәртіпті қадағалаудағы әлеуеті зор. Сол әлеуетті бірлесе әрекет ету арқылы тиімді пайдалану қажет.

«Қалай десек те күзет ұйымдары мен полиция өкілдері екі бөлек әрекет етіп жүрміз. Тек қылмыс пен тосын жағдайлар кезінде ғана бірлесіп жұмыс істейміз. Елдегі қылмыстың 60 пайызы ұрлықпен қатысты. Әр бесінші ұрлық пәтерде тіркеледі. Бұған күзет қызметі мен полиция қызметкерлері бірлесіп, нақты тосқауыл қоюы қажет. Ол тосқауыл қағаздар мен есептер жүзінде емес, нақты іс жүзінде жасалуы керек», - деді Ерлан Тұрғымбаев.

Ішкі істер министрі «Смарт-қала» жобасы аясында нысандардың қауіпсіздігін заманауи технологиялардың көмегімен күзету жұмыстары жемісін бере бастағанын атады.

«Сергек» бақылау жүйесі Нұр-Сұлтан қаласының жолдарындағы тәртіп бұзушылықтың 60 пайызын анықтады. Қазақстан бойынша 2000-нан астам күзет ұйымы сигнализация жүйесін орнатумен айналысады. Ондай жүйенің тиімді екенін уақыт көрсетіп отыр. Нысан иелері үшін бұл әлдеқайда арзанға түседі. «Смарт-қала» жобасы бұл сигнал құралдарын ұялы телефонға жалғауға мүмкіндік береді. Осындай жолмен жеке пәтерлерді ді күзетуге болады», - деді Ерлан Тұрғымбаев.

Біздің каналымызға жазылыңыз:

Басты сөздер: Қылмыспен күрес, ҚР ІІМ,
Бөлісіңіз:

Автор:

Есімжан Нақтыбай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT