Елде электр станцияларындағы апат саны артты

АСТАНА. ҚазАқпарат – «KEGOC» электр желілерін басқару жөніндегі Қазақстан компаниясы» АҚ басқарма төрағасы Қаныш Молдабаев биылғы жылдың басынан бері Қазақстандағы электр стансаларында апат саны көбейгенін айтты, деп хабарлайды ҚазАқпарат тілшісі.

Оның айтуынша, компания 220-500 кВ жоғары және аса жоғары кернеулі 27 мың шақырымдық республикалық электр желілеріне қызмет көрсетеді.

«Биылғы жылдың басынан бері Қазақстандағы электр станцияларындағы апаттар саны көбейген. Апаттық аялдамалар саны 16 %-ға өсті. Аялдамалар ұзақтығының артуы 18,5%-ды құрады. Блоктық электр станциялары мен өңірлік электр стансаларында апат деңгейінің айтарлықтай өсуі тіркелді», - деді Қаныш Молдабаев.
Оның айтуынша, қазіргі уақытта электр станцияларының жеке генерациясы халықтың және ел экономикасына қажетті энергия қажеттілігін жабу үшін жеткіліксіз. Ол 8 желтоқсанда ең көп тұтыну 16 мың мВт болған кезде меншікті генерация шамамен 14 800 мВт құрағанын атап өтті.
Компания басшысының айтуынша, еліміздегі электр станцияларының белгіленген қуаты 24 000 мВт болса, жұмыс істеп тұрған қуаты небәрі 14 700 мВт.
«Қазақстанның электр станциялары халықтың және ел экономикасының электр энергиясына деген сұранысын толық қамтамасыз ете алатындай жағдай жасау керек», - деп қосты Қаныш Молдабаев.