Елбасы Түркістандағы жаңа Музыкалық драма театрдың ашылуына қатысты

ТҮРКІСТАН. ҚазАқпарат – Елбасы Нұрсұлтан Назарбаев Түркістанда жаңа Музыкалық драма театрдың ашылу салтанатына қатысты. Бұл туралы Тұңғыш Президенттің баспасөз хатшысы Айдос Үкібай мәлім етті, деп хабарлайды ҚазАқпарат.

Театрда Елбасы «Шаңырақ» миниатюрасын тамашалады. Сондай-ақ Құрметті қонақтар кітабына естелік жазба қалдырып, БАҚ өкілдері үшін брифинг өткізді.

Еске салайық, бүгін Елбасы Түркістан қаласына келді. Сапар барысында қаладағы саябақты абаттандыру нәтижелерімен танысып, Қазақ хандығына арналған мемориалдық кешеннің ашылу рәсіміне қатысты.

Бұдан бөлек, «Яссы» ботаникалық бағының даму жоспарымен танысты. «Әзірет Сұлтан» тарихи-мәдени қорығы аумағында орналасқан этноауылға ат басын бұрды.