Елбасы Швейцария Президенті Ули Маурермен кездесті

НҰР-СҰЛТАН. ҚазАқпарат – Қазақстанның Тұңғыш Президенті - Елбасы Нұрсұлтан Назарбаев Швейцария Президенті Ули Маурермен кездесті, деп хабарлайды ҚазАқпарат elbasy.kz сілтеме жасап.

Ұқсас жаңалықтар

Нұрсұлтан Назарбаев елорданың алғашқы құрылысына атсалысушылармен кездесті

Елбасы «Алматыкітап» баспасының басшысын қабылдады Нұрсұлтан Назарбаев Қазақстанның Еңбек Ері Сайрамбай Дөненбаевты қабылдады Елбасының тарихи сәттері: Тәуелсіздік таңы атқаннан бүгінге дейін

Кездесу барысында Нұрсұлтан Назарбаев тәуелсіздік жылдарында Қазақстан мен Швейцария арасында экономиканың түрлі салаларында жақсы қарым-қатынас қалыптасқанын атап өтті.

– Қазақстанға қош келдіңіз. Сіздердің елдеріңізге бірнеше рет бардым. Швейцария – Қазақстанның ірі және маңызды сауда серіктестерінің бірі. Біздің елімізді әрқашан қолдап келесіздер. Осы ынтымақтастықты одан әрі жалғастырған жөн. Бізде швейцариялық бизнесті қызықтыратын жобалар көп, - деді Қазақстанның Тұңғыш Президенті.

Өз кезегінде Ули Маурер Нұрсұлтан Назарбаевқа кездесу үшін ризашылық білдіріп, Қазақстанға жасап жатқан ресми сапарынан алған әсерімен бөлісті.

– Біздің елдеріміздің қарым-қатынасы өте жақсы. Бүгін таңертең мазмұнды әрі жемісті кездесулер өткіздім. Қазақстанмен бірлесе отырып дамытатын көптеген жобаларды талқыладық, - деді Швейцария Президенті.