Елбасы Санкт-Петербургте «Щелкунчик» балетін көрді

АСТАНА. ҚазАқпарат - Қазақстан Президенті ТМД елдері басшыларымен бірге Мемлекеттік академиялық Мария театрының сахнасында қойылған П.И.Чайковскийдің «Щелкунчик» балетін тамашалады. Бұл туралы Ақорданың баспасөз қызметі хабарлайды.

Спектакльдің қоюшысы, декорациялар мен костюмдер үлгісінің, сондай-ақ бүкіл көрнекілік концепциясының авторы - Ресей Федерациясы мемлекеттік сыйлығының лауреаты М.Шемякин.