Елбасы: Сағынтаев бастаған Үкіметке зор жауапкершілік жүктеліп отыр

КӨКШЕТАУ. ҚазАқпарат - Бүгін Ақмола облысына жұмыс сапарымен барған Елбасы Нұрсұлтан Назарбаев БАҚ өкілдеріне берген сұхбатында Үкіметтегі өзгерістер туралы айтып берді.

Мемлекет басшысының айтуынша, Үкіметтің  бұрынғы құрамы өзіне жүктелген міндетті ойдағыдай атқарды. Жаңа құрамға да зор жауапкершілік жүктеліп отыр.

" Бұрынғы Үкіметтің құрамы жаман жұмыс  істеген жоқ. Əсіресе, оларға 2007-2009 жылдардағы дағдарыс пен осы дағдарыстың басы тұспа тұс келді. Олар бұл міндетті абыроймен атқарды. Мен тапсырмаға сәйкес "Нұрлы жол" бағдарламасы, инвестиялық бағдарламарды жасады. Енді алда басқа уақыт, басқа істер күтіп тұр. Сондықтан, өте тәжірибелі Бақытжан Сағынтаев бастаған Үкіметке зор жауапкершілік жүктелді отыр", - деді Н.Назарбаев.