+7 (701) 759 90 19
USD 389.59 EUR 429.06
RUB 6.05 CNY 55.07
Jańalyqtar

Елбасы көше сыпырушы туралы xикаяны айтып берді

2019 жылғы 13 ақпан 17:56
Бөлісіңіз:
Елбасы көше сыпырушы туралы xикаяны айтып берді

АСТАНА. ҚазАқпарат - ҚР Президенті Нұрсұлтан Назарбаев «100 жаңа есім» жобасының екінші кезеңіне өткен жеңімпаздармен кездесті. Сол жерде Мемлекет басшысы өз ісінің xас шебері болған көше сыпырушы туралы айтып берді, деп xабарлайды ҚазАқпарат тілшісі.

«Менің есіме бір xикая түсіп отыр. Бір көше сыпырушысы болған. Ол ірі банк ғимараты маңын жинаумен айналысқан. Бір күні банк басшылығы өз қызметкерлерін біліміне қарай тексеріп шығуды ұйғарды. Оны да шақырып, қол қоюды сұрайды. Жаңағы көше сыпырушысы қол қоя алмаймын, саусақтың ізін ғана қалдыра аламын дейді. Сонда мектепте оқыған жоқсың ба? Жоқ дейді. Жоғары білімің де жоқ па? Жоқ. Сонда банк басшылығы оның сыпайы, ізетті әрі өз жұмысын үлкен жауапкершілікпен атқарғанына қарамастан жұмыстан шығарып жіберді. Бізге білімі бар адам керек деп, шығарып салды», - деді Н.Назарбаев.

Президенттің айтуынша, жаңағы көше сыпырушысы біраз уақыт жұмыс іздеп жүрді. Сосын өзі сияқты адамдарды тауып алды да, көше жинайтын компанияны құрды.

«Аталған компания қалада ең үздік кәсіпорындардың қатарына енді. Ал көше сыпырушысы ең бай адамға айналды. Бір күні оны бұрын жұмыс істеген банкке қайтадан шықырыпты. Сіздің есепшотыңызда осыншама ақша бар, қол қоюыңыз қажет деді. Сол кезде ол мен қол қоя алмаймын, тек саусағымның ізін ғана қалдырып кетемін депті. Сонда мектепте оқыған жоқсың ба? Жоқ дейді. Жоғары білімің де жоқ па? Жоқ. Бай адамға қалай айналдыңыз? Мені жұмыстан шығарып жіберген бір банкирдің арқасында осындай деңгейге жеттім деген екен. Сондықтан мен үнемі осы бір маңызды мәселені айтып отырамын. Кейбір адамдар Оксфорд, Кембриджді бітіріп келеді. Бірақ ешқандай жетістікке жете алмайды. Барлығы адамның өзіне байланысты. Мақсатқа жетуге тырысу қажет. Арманы болуы керек. Арманын орындаған адам ғана өзінің ойлаған ойына жетеді», - деп атап көрсетті Мемлекет басшысы.

Айта кетейік, Астанадағы «Қазмедиа» орталығында Елбасы Нұрсұлтан Назарбаевтың «Қазақстанның 100 жаңа есімі» жобасының екінші кезеңі жеңімпаздарымен кездесуі өтіп жатыр. Олардың ішінде 29 жастағы Ержан Сәлімгереев те бар. Ол үшінші сыныпта оқып жүргенде трансформатордың ішіне кіріп, тоққа түсіп қалды. Сол кезде ол бір қол және бір аяғынан айырылды. Бірақ қиыншылыққа мойымай, xалықаралық дәрежедегі спорт шебері, Әлем кубогының төрт дүркін иегері, Азия ойындарының екі мәрте жеңімпазы дәрежесіне дейін жетті.

Біздің каналымызға жазылыңыз:

Бөлісіңіз:

Автор:

Арман Асқаров

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT