Қолданушы баптаулары
Қолданушы баптаулары
+7 (701) 759 90 19 Лента
USD 379.19 EUR 426.63
RUB 5.92 CNY 56.54
Jańalyqtar

Елбасы: Классикалық журналистиканың басты сын-қатері - блогерлер мен әлеуметтік желі

2018 жылғы 23 мамыр 11:29 369
Бөлісіңіз:
Елбасы: Классикалық журналистиканың басты сын-қатері - блогерлер мен әлеуметтік желі

АЛМАТЫ. ҚазАқпарат - ҚР Ақпарат және коммуникациялар министрі Дәурен Абаевтың қатысуымен XV Еуразиялық медиафорум басталды, деп хабарлайды ҚазАқпарат тілшісі.

Форумның ашылуында Дәурен Абаев Мемлекет басшысы Нұрсұлтан Назарбаевтың құттықтау хатын оқып берді.

«Бүгінгі форум медиа саласындағы білікті майталмандардың өзара диалог жүргізуіне мүмкіндік беретін маңызды шара. Әлем құбылып, геосаяси қайшылықтар мен жаңа технологиялық мүмкіндіктер шиеленіскен қазіргі жағдайда бұқаралық ақпарат құралдары қақтығыстар эскалациясының детонаторы, сондай-ақ халықаралық шиеленістерді тежеу мен алдын алудың жаһандық факторы бола алады. Осы жерде журналистердің жауапкершілігі шығады. Классикалық журналистикаға басты сын-қатер ретінде балама ақпарат көздері - блогерлер мен әлеуметтік желіні айтуға болады. Бұл ретте, дәстүрлі БАҚ-тың бәсекеге қабілеттілігі әрдайым журналистің кәсібилігі мен сапалы контент болып келеді. Осы мақсатта осындай диалог алаңдарын құрудың өзектілігі арта түседі», - делінген Президенттің құттықтауында.

Айта кету керек, бүгін Алматыда Еуразиялық медиа форум басталды.

Форум алғаш рет өткізілген уақыттан бастап 15 жылда Қазақстанға 6 мыңнан астам шетелдік делегат келген.

Конференцияның ауқымы мен халықаралық деңгейі еліміздің ғаламдық ақпарат кеңістігінің ажырамас бөлігі екенін білдіреді.


Елбасы: Классикалық журналистиканың басты сын-қатері - блогерлер мен әлеуметтік желі

 

 

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT