Елбасы «JP Morgan Chase International» басшысымен АХҚО перспективасын талқылады

НҰР-СҰЛТАН. ҚазАқпарат – ҚР Тұңғыш Президенті Нұрсұлтан Назарбаев «JP Morgan Chase International» басқарма төрағасы Джейкоб Френкельмен кездесті. ҚазАқпарат бұл туралы Елбасының ресми сайтына сілтеме жасап хабарлайды.
Әңгіме барысында Елбасы әлемнің жетекші сарапшылары өзара диалог құруы үшін «Астана клуб» алаңының ерекше маңызды екенін атап өтті.
«Қазақстанға қош келдіңіздер. Біздің форумға көрнекті қаржыгер, беделді ғалым және экономист, әлемдегі жетекші қаржылық ұйымның табысты басшысы қатысып отырғанына өте қуаныштымыз. Бүгін «Астана клуб» форумы әлемнің зиялы қауымымен, экономистерімен және саясаткерлерімен кездесіп, өзекті мәселелерді талқылауға мүмкіндік беріп отыр», - деді Қазақстанның Тұңғыш Президенті.
Кездесу барысында тараптар «Астана» Халықаралық қаржы орталығын одан әрі дамыту перспективаларына да назар аударды.
«Сіз АХҚО Қазақстан үшін экономикалық дамуға серпін беретін маңызды трансформациялық шешім екенін атап өттіңіз. Біз бұл бастаманы одан әрі дамытып жатырмыз. Қазіргі уақытта АХҚО қаржы орталықтарының жаһандық индексінде 51-ші орында тұр», - деді Нұрсұлтан Назарбаев.
- Қаржыны қайда салған тиімді: Қайрат Келімбетов тұрғындарға кеңес берді
- Қайрат Келімбетов АХҚО қызметкерлерінің қанша жалақы алатынын айтты
- АХҚО-ның инвестициялық резиденті мәртебесін алу процесі қандай
- Шетелдік сарапшыларға «бір терезе» қағидаты бойынша қызмет көрсетіледі
-
Түрік ғалымының Елбасы туралы кітабының тұсауы кесілді
-
Жамбылдық еріктілер қайырымдылық шараларына белсене қатысуда
- Елбасы жолдауы
- Жолдау жүктеген міндеттер
- Қазақстан тарихы
- Әлемдік БАҚ Қазақстан туралы
- Жаңа индустрияландыру
- Болашаққа 100 қадам