Елбасы «Болашақ» халықаралық стипендиясының 20 жылдығына арналған форумға қатысады

АСТАНА. 25 қараша. ҚазАқпарат - Мемлекет басшысы Нұрсұлтан Назарбаев 29 қарашада Астанада өтетін Қазақстан Республикасы Президентінің «Болашақ» халықаралық стипендиясының 20 жылдығына арналған форумға қатысады.

Бұл туралы Ақорданың баспасөз қызметінен хабарлады.

Форум барысында Мемлекет басшысы сөз сөйлейді. Соның аясында халықаралық бағдарлама қызметінің қорытындылары шығарылып, «Қазақстан - 2050» Стратегиясын іске асыру контексінде ұлттың бәсекеге қабілеттігін қалыптастырудың жаңа міндеттерін айқындау жоспарланған.