Елбасы Алишер Усмановты «Достық» орденімен марапаттады

НҰР-СҰЛТАН. ҚазАқпарат - Қазақстанның Тұңғыш Президенті Нұрсұлтан Назарбаев «USM Holdings» компаниясының құрылтайшысы Алишер Усмановты «Достық» орденімен марапаттады. Бұл туралы Тұңғыш Президенттің баспасөз қызметіне сілтеме жасап ҚазАқпарат хабарлайды.

Елбасы Нұрсұлтан Назарбаев Алишер Усмановты Қазақстан мен Ресей арасындағы достық қатынастарды нығайтуға және экономикалық ынтымақтастықты дамытуға қосқан елеулі үлесі үшін І дәрежелі «Достық» орденімен марапаттады.