Эльмира Сыздықова өзіне сыйлаған көлікті әкесіне берді

None
None
ҚАРАҒАНДЫ. ҚазАқпарат - Олимпиада жүлдегері Эльмира Сыздықова сыйға берілген Toyota Camry көлігін әкесіне тарту етті, деп хабарлады спортшы.

«Toyota Camry көлігін (Қарағанды облысы әкімі Рио Олимпиадасындағы жетістігі үшін сыйға берген) әкеме бердім. Ол онымен үйге кетті», - деді Э. Сыздықова ҚазАқпарат тілшісіне.

Оның айтуынша, спортшы ең бірінші орынға ата-анасын қояды.

Эльмира өзіне Қарағанды облысының грек-рим күресі, еркін және әйелдер күресі федерациясы сыйға берген Toyota Corolla көлігін қалдырған.

Әзірге спортшы өзінің туған үйі Солтүстік Қазақстан облысына барған жоқ. Ол ата-анасымен бірге демалуды армандайды.

Қараша айында Эльмира Әзербайжанда өтетін Golden Gran Prix Baku халықаралық жарысына қатысуды жоспарлап отыр.

«Жақын күндері жаттығуды бастаймын. Маған демалу да зиян», - деді Олимпиада жүлдегері.

Соңғы жаңалықтар