Ел құрамасының капитаны Асланбек Шымбергенов Азия чемпионы болды

АСТАНА. ҚазАқпарат - Иордания астанасы Амман қаласында бокстан өтіп жатқан Азия чемпионатында Асланбек Шымбергенов «алтын» алды, деп хабарлайды ҚазАқпарат тілшісі.

Құрлықтық додада 71 келіде сынға түскен Асланбек Шымбергенов финалда иорданиялық Зеяд Ишайшты жеңді. Осылайша, ол Азия чемпионы атанды.

Айта кетсек, бұдан бұрын ел құрамасынан Санжар Тәшкенбай (48 келі) Азия чемпионы атанса, Сәкен Бибосынов (51 келі), Махмуд Сабырхан (54 келі), Серік Теміржанов (57 келі), Дулат Бекбауов (67 келі )күміс медальді қанағат тұтты.

Енді ел құрамасынан төрт бес боксшы алтын медаль үшін шаршы алаңға шығады.

Фото: sports.kz