19:30, 12 Мамыр 2019 | GMT +6
Эль-Фуджайра портында жарылыс болды деген хабар жалған болып шықты
ЭЛЬ-ФУДЖАЙРА. ҚазАқпарат - Эль-Фуджайра әмірлігінің билігі портта жарылыс болды деген хабарды жоққа шығарды, деп хабарлайды ҚазАқпарат WAM-ға сілтеме жасап.
БАӘ Эль-Фуджайра әмірлігі баспасөз қызметінің мәліметінше, бүгін таңертең портта жарылыс болды деген ақпарат жалған.
Өз хабарламасында баспасөз қызметі қазіргі уақытта портта қозғалыс қалыпты режімде жүріп жатқанын келтіреді.
Сондай-ақ, онда «БАҚ шынайы әрі нақты ақпарат көздеріне сүйеніп, хабар таратуы керектігі» айтылған.
Айта кетейік, бірқатар ресейлік БАҚ Эль-Фуджайра әмірлігі портында бірнеше танкерден өрт шыққаны туралы жалған хабар таратқан болатын.
Фото: wam.ae