04:19, 05 Қазан 2019 | GMT +6
Ел астанасында ауа сапасы нашарлайды
НҰР-СҰЛТАН. ҚазАқпарат – 5 қазан күні Қазақстанның төрт қаласында қолайсыз метеорологиялық жағдай қалыптасып, ауа ластанады, деп хабарлайды ҚазАқпарат.
«Қазгидромет» РМК мәліметінше, 5 қазанда еліміздің Өскемен, Қарағанды, Теміртау қалаларында және ел астанасы - Нұр-Сұлтанда қолайсыз метеорологиялық жағдай қалыптасады. Қазақстанның басқа шаһарларында метеожағдай ойдағыдай болады.
Қолайсыз метеорологиялық жағдай - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауа сапасы нашарлауы ықтимал.